بارزانى په‌یامه‌كا پیرۆزباهیێ ئاراسته‌یێ ژنێن كوردستانێ و هه‌موو جیهانێ كر
WAAR-دهۆك:
سه‌رۆكێ هه‌رێما كوردستانێ ب هه‌لكه‌فتا رۆژا جیهانی یا ژنان، په‌یامه‌كا پیرۆزباهیێ ئاراسته‌یێ ژنێن كوردستانێ و هه‌موو جیهانێ كر و دیاركر: ئه‌ركێ هه‌موو ئالیه‌كی یه رۆل ل هه‌مبه‌ری قوربانیێن ژنا كورد هه‌بن و نه‌بیته رێگر ل هه‌مبه‌ر ماف و داخوازیێن وێ.
مه‌سعوود بارزانی، سه‌رۆكێ هه‌رێما كوردستانێ ب هه‌لكه‌فتا هه‌شتێ مارسێ رۆژا جیهانی یا ژنان، ل سه‌ر ئه‌كاونتێ خوه یێ فه‌یسبۆكی، په‌یامه‌كا پیرۆزباهیێ ئاراسته‌ی دایك و ژن و كچێن شه‌هیدان و ژنێن خه‌باتكه‌ر كر، ئه‌وێن رۆل د پێشڤه‌چوونا دۆزا ژنێن كوردستانێ هه‌بووی و راگه‌هاند: قوربانیێن ژنا كورد د خه‌باتێ دا ژ یێن زه‌لامی پترن.
د په‌یاما بارزانی دا هاتیه ژی: رۆلێ ژنێ د دروستكرنا دیرۆك و پشته‌ڤانیكرنا شووره‌ش و پێگه‌هاندنا نڤشێن قاره‌مان، جهێ شانازیێ یه.
تێدا هاتیه ژی: ئه‌ركێ هه‌موو ئالیه‌كییه رۆل ل هه‌مبه‌ری قوربانیێن ژنا كورد هه‌بن و نه‌بیته رێگر ل هه‌مبه‌ر ماف و داخوازیێن وێ، پێدڤیه رێ ل بنپێكاریێن به‌خته‌وه‌ری و مافێن وان بهێنه گرتن و جوداكارییێن ره‌گه‌زی و و توندوتیژییێ ب هه‌ر ئاوایه‌كی ل دژی ژنان بهێنه ب داوی ئینان.
تعليقات