التخطي إلى المحتوى الرئيسي
بحث هذه المدونة الإلكترونية
نێچیرڤان بارزانی: ب پشت راستی ڤه ئه‌ڤ ساله دێ ریفراندۆمێ ئه‌نجام ده‌ین
ئه‌ڤرۆ نیوز:نێچیرڤان بارزانی راگه‌هاند كو دێ د ئه‌ڤ ساله دا ریفراندۆم بۆ سه‌ربه‌خۆیا كوردستانێ هێته ئه‌نجام دان. خۆیا كر ژی كو هه‌كه ئه‌مریكا بڤێت بنگه‌هه‌كێ له‌شكری ل هه‌رێمێ بدانیت دێ پێشوازیێ لێ كه‌ن.
د چاڤپێكه‌فتنه‌كێ دا ل گه‌ل مالپه‌رێ فیلیی یێ ئه‌مریكی نێچیرڤان بارزانی سه‌رۆكێ حوكمه‌تا هه‌رێما كوردستانێ ده‌رباره‌ی ئه‌نجامدانا ریفراندۆمێ بۆ سه‌ربه‌خۆیا كوردستانێ د بێژیت: “ب پشت راستی ڤه ئه‌ڤ ساله دێ ریفراندۆمێ ئه‌نجام ده‌ین”.
بارزانی ئاماژه بۆ وێ چه‌ندێ ژی كر كو ئه‌نجامدانا ریفراندۆمێ ب وێ رامانێ ناهێت كو دێ د جهـ دا سه‌ربه‌خۆییێ راگه‌هینین، به‌لكو وێ نیشان دده‌ت كو دێ بۆ كۆمه‌لگه‌ها نێڤده‌وله‌تی ئاشكه‌را كه‌ت كا وه‌لاتیان چ دڤێت.
سه‌رۆكێ حوكه‌مه‌تا هه‌رێما كوردستانێ به‌حس ل وێ چه‌ندێ ژی دكه‌ت كو ئه‌و نه‌شێن ڤه‌گه‌رنه سه‌رده‌مێن كه‌ڤن و وه‌سان دبینن “عیراقا پشتی مووسل هه‌مان عیراقا به‌ری مووسل نابیت”.
ده‌رباره‌ی هه‌لویستێ توركیا بۆ ئه‌نجامدانا ریفراندۆمێ و سه‌ربه‌خۆیا كوردستانێ نێچیرڤان بارزانی دبێژیت: “ب ره‌نگه‌كێ فه‌رمی مه ئه‌و بابه‌ت ل گه‌ل توركیا به‌حس نه‌كریه، به‌لێ د ئاماده‌نه گوهداریا مه بكه‌ن”.
د پشكه‌كا دی یا چاڤپێكه‌فتنێ دا ده‌رباره‌ی هه‌لویستێ ئه‌مریكا، بارزانی ئاماژه بۆ وێ چه‌ندێ دكه‌ت كو هه‌كه ئه‌مریكا عیراقه‌كا ئێكگرتی دڤێت، “د ژیواری دا چو عیراقێن ئێكگرتی نه‌ماینه”، دیسا دبێژیت: “هه‌كه ئه‌وان دڤێت ئارامیا ده‌ڤه‌رێ راگرن، دڤێت مامه‌له‌كا جه‌وهه‌ری ل گه‌ل كوردستانێ بكه‌ن”.
ده‌رباره‌یی دانانا بنگه‌هه‌كێ له‌شكری یێ ئه‌مریكی ل ناڤ هه‌رێما كوردستانێ، سه‌رۆكێ حوكمه‌تێ دبێژیت: “هه‌كه ئه‌مریكا پێدڤی هه‌بوونا بنگه‌هه‌كێ له‌شكری ل هه‌رێما كوردستانێ كر، سه‌ركردێن مه دێ پێشوازیێ لێ كه‌ن”.
تعليقات