"مەحما خەلیل"پشتەڤانیا خۆ بۆ هۆنەرمەندێن شنگالێ راگەهاند
ئێزدیخان نیوز:
قایممقامێ قەزا شنگالێ پشتەڤانیا خۆ و ئیدارا قەزایێ بۆ هۆنەرمەندێن شنگالێ دیاركر و راگەهاند:" ب رێیا شانۆ و هۆنەرمەندا و پێنووسێن رۆن ئەم دكارن دۆزا مللەتێ خۆ بگەهینن".
مەحما خەلیل، قایممقامێ قەزا شنگالێ د داخویانیەكێ دا بۆ مالپەرێ(ئێزدیخان نیوز)ئاشكەراكر:"شنگال وەلاتێ هۆنەرمەندایە و كەلتۆرێ رەسەنێ كوردی یە،چ دبوارێ هۆنەرمەندا و نڤیسینێ و مێرخاسیێ دا و ئەم پشتەڤانیا هۆنەرمەندێن شنگالێ دكەین ب هەر شیانەكا هەبت چ مادی و مەعنەوی و مەعنەوی پترە و مافێ وانە گازندێ بكەن و 74فەرمان ب سەرێ مەدا هاتینە و ئیرادەیەكا بهێز هەیە و ب رێیا شانۆ و هۆنەرمەندا و پێنووسێن رۆن ئەم دكارن دۆزا مللەتێ خۆ بگەهینن و پشتەڤانی مە هەیە".
ئەو چەندە ژی دیاركر:"مللەتێ مە ئیرادە هەیە و چ پشتەڤانیا مللەتێ كوردستانێ و جەنابێ سەرۆك بارزانی شنگال دێ ئاڤەدانكرن ب ڤان گەنجا و خەمخۆرا و ئیرادەیا وێ و چوو جاران فەرمانێن ب سەرێ مە دا هاتین ژبیرناكەین".
تعليقات