شاندەكێ كەسایەتیێن ئێزدی ژ كوردستانا باكوور سەرەدانا پەرستگەها لالش دكه‌ن
تۆرا لالش یا راگەهاندنێ/لوقمان سلێمان
هەر ئێك ژ"عەلی عەڤدو"ژ خێزانا دەروێشێ عەڤدی و"حەجی سلێمان" ژ دەڤەرا قزل تبە و"بەحری مام سەلیم" ژ دەڤەرا خالتا و"سورو"ژ دەڤەرا مەروانیە،سەرەدانا پەرستگەها لالش دكن.
شاندێ مێڤان ژبال"شێخ شامۆ"نوونەرێ ئێزدیان ل پەرلەمانێ كوردستانێ و "خێری خدر"دادوەر ل دادگەها تێهەلچوویا دهۆك و زلامێن ئایینی"بابا چاویش" و فەقیر"برجس سادن"هاتە پێشوازیكرن.
پشتی بخێر ئانینێ،شاندێ مێڤان دناڤ هوندرێ پەرستگەها لالش دا گەریا.
ل دۆر ڤێ سەرەدانێ كەسایەتیێ ئێزدی"عەلی عەڤدو"د داخویانیەكێ دا بۆ(تۆرا لالش یا راگەهاندنێ)گۆت:"چوو دەربرین بۆ ڤی هەستێ جوان و پیرۆز نائێن كرن و گەلەگ كەیفخۆشین بۆ ڤێ پێشوازییا گەرم ل جهەكێ پیرۆز ئەو ژی پەرستگەها لالشا نوورانی،ئەم هەردەم ل بەندا دیتنا دەلیڤەكێ بوون داكو سەرەدانا پەرستگەها باب و پاپیران بكەین و ب ئاڤا كانیا سپی بێین مۆركرن".
عەڤدو خویاكر:"داخوازا هیڤییان ل پەرستگەهێ دكەین و هەردەم دبێژین و داخوازا خێر و ئاشتیێ ژ خودێ دكەین بۆ ئێزدیان و ل دەڤەر و باژێرێن خۆ ب ئارامی بژین.
تعليقات