نادیا موراد:زێدەتر ژ 3500گرتیێن ئێزدی هێشتا د دەستێ داعشێ دانە
ئێزدیخان نیوز:
دوو پارتێن ئەلمانی كچا رزگاربوویا ئێزدی و بالیۆزا نیازپاقژیێ"نادیا موراد"،داخوازی جڤینەكێ دكەن.
ل رۆژا 27ئادارا 2017ێ،فەدەراسیۆنا پارتیێن ئەلمان( CDU) و(CSU)،بالیۆزا تایبەت "نادیا موراد"داخوازی جڤینەك تایبەت كربوون،ناڤەندا شێورداری یا ئێزدیان ل ئەلمانیا (Zentralrat der Êzîden in Deutschland) ژی ژ ئالیێ "ستەپهان ئالبان" ئەندامێ بوندەستاگ ڤە هاتبوو داخوازكرن.
ناڤەندا شێورداری یا ئێزدیان ل ئەلمانیا راگەهاند:"دجڤینێ دا نادیا موراد بەحسا دەما گرتن و قورتالبوونا خۆ ژ ناڤ داعشێ كر و گۆت هێش زێدەتر ژ 3500گرتی د دەستێ داعشێ دانە و دڤێت ئەو وەرن قورتالكرن،داخوازكر كو هەرێما بەرلین و هەرێمێن دی ژی وەك هەرێما( Baden Württemberg)هاریكارییان پێشكێشی مەخدوورێن ئێزدی بكەن،هەرێما بادەن هاریكارییەك تایبەت ددە هەزار ژن و زارۆكێن كو ژ دەستێ داعشێ هاتینە رزگاركرن".
تعليقات