رزگاركرنا گرتیێن ئێزدی وهاریكاریا رزگاربوویا ئەركەكێ مرۆڤایەتی ونشتیمانییە/ئلیاس نەعمۆ خەتاری
رزگاركرنا گرتیێن ئێزدی وهاریكاریا رزگاربوویا ئەركەكێ مرۆڤایەتی ونشتیمانییە
ئلیاس نەعمۆ خەتاری
بدرێژییا میژویێ ئێزدی توشی مەزنترین فەرمانا بووینە كو پتر ژ 73 فەرمانا ل سەر ئێزدیان دەربازبووینە ب هەموو شێوێن توند وتیژیێ وب بیسترین شێوێن ئیشاندنێ وكوشتنێ ورەڤاندنێ ودەربەدەركرنێ وسۆتنێ ودزیێ ویا ژهەموویێ خرابتر ئەوبوو دەمێ كچ وژنێن ئێزدیان هاتینە رەڤاندن ژلایێ پیسترین تیرۆرێن ژیانێ بناڤێ داعش وهاتینە كڕین وفرۆتن ل بازارێن مووسل ورەققایایێ.
ئەرێ ئەگەر مە د دریژیا مێژوویێ دا ئەڤ چەندە خوندبت ول سەر دەمێ جاهلیەتێ وبێ ئاقلیێ،لێ ئیرۆ چەرخێ بیست وئێكێ ول سەر دەمێ پێشكەفتنا زانست وتەكنلۆجیا ودیسان ئیرۆ رۆژ هەموو دونیا بناڤێ مافێ مرۆڤ ودیموكراسیەتێ بانكددەن،دیسان ب هزارەهان رێكخراوێن مافێ مرۆڤ وب سەدان كۆنگرە وكۆنفراس وسەرەدانێن فەرمی ل سەر ئاستێن بلند هەتا توو بگەهیە ئاستێن نزم ل قوتابخانان وجڤینێن گوندان وروونشتنێن بچووك هەموو بەحسێ مافێ مرۆڤ دكن،لێ جهێ داخێ یە وهزار حەیف ومخابن ئەڤێن هەنێ هەموویا ئاگەه ژ كچ وژنێن ئێزدی ب دروستای نینە،ل هێرە فەرە ئەم رۆلێ هەرێ مەزن یێ جەنابێ سەرۆكێ حكوومەتا هەرێما كوردستانێ بەرێز كاك(نێچیرڤان بارزانی) ژبیر نەكەین دەمێ كچ وژنێن ئێزدی رزگاردكت ب رێیا ئۆفیسا گرتیا ل پارێزگەها دهۆكێ كو یە بەردەوامە ل سەر كاری وبەردەوام هەول وبزاڤان دكت ژبۆ رزگاركرنا وان،ل چەرخێ بیست وئێكێ دیارە قەدەرا مە ئێزدیا بوو ئەڤ فەرمانە ب سەرێ مەبێن كو ددرێژییا مێژوویێ دا دبێژن 74 فەرمان تەمامبووینە،لێ ئەم پشت راستین پترن ژڤێ ژمارێ وب سەدێن جاران پترن لی ئێزدیان هەر خۆگرتینە وسەر بلندبووینە وخۆراگربووینە ول سەر ئۆل وئەركانێن خۆ ماینە وداب ونەریتێن باب باپیران ژبیر نەكرینە وهەر دێ مینن ئێزدی.
ئیرۆ بۆ مە دیاربوو بێ دەنگیا حكوومەتا بەغدایێ بەرامبەر كچ وژنێن ئێزدیان ئەوێن ددەستێن داعش دا بۆ هەموو جیهاتێن فەرمی ڤە وجهێن شۆلەژێ،ئەرێ ئەوان چ پێنگاڤ هاڤێتینە بەرامبەر رزگاركرنا ڤان خۆلی سەرا،لێ دڤیا هەموو خەلكێ عێراقێ باش بزانبن ئیرۆ شەرەفا كچ و ژنێن ئێزدیان شەرەفا هەمو خەلكێ عێراقێ نە ، دیسان ئیرۆ دگەل پرۆسسا رزگاركرنا مووسلێ ودەوروبەرێن وێ وپشتی ئیرۆ لایێ چەپی ژ باژێرێ مووسل هاتیە رزگاركرن ب تەمامی،لێ جهێ داخێ یە بتنێ چەند گرتی كو ب ژمارەكا گەلەكا كێم هاتینە رزگاركرن،لێ ب هزارەها گرتیێن مە ماینە د دەستێن وان تیرۆرێن دروندەدا،ب مخابنیڤە چارەنڤیسا وان دیار نینە،رزگاركرنا ئێخسێرین ئێزدیان ژ دەستێن تیرۆرستێن داعش وهاریكاریكرنا رزگاربوویان ئەركەكێ هەری مەزنە و ئەركەكێ مرۆڤانەیە ونشتیمانییە،ژبەركو شەرەف وناموسا ئێزدیان شەرەف وناموسا هەموو گەلێ عێراقێ یە و ئەركێ هەموو خەلكێ عێراقی یە ئەوێن خودان شەرەف وغیرەت كاربكن و هەول وبزاڤا بكن ژبەر رزگاركرنا وان بەری وندابن وبێنە كوشتن دڤی شەرێ سەخت ودژواردا بەری شەرێ رزگاركرنا مووسل ب داوی بێت وب سلامەتی بزڤرنە ناڤ كەس وكارێن خۆ .
تعليقات