بریارا دۆنالد ترەمپی كوردێن ئێزدی بگرت دێ زیانێ گەهینتە دۆسەیا ئێزديان
باسنيۆز:له‌زگين جۆقى
سەرۆكێ جڤاتا قەزا شنگال دیاركر ب فەرمی دێ داخوازێ ژ دۆنالد ترەمپ، سەرۆکێ ئەمریکا هێتە كرن ، ئێدرا ئەمریكا تایبەتمەندەكی بدەتە ئێزدیان بتایبەتی ژی كەسێن ژ دەستێن تیرۆرستان رزگاردبن بشێن بچنە ئەمریكا دەمێ پێدڤی دبن.
وەیسی نایف، سەرۆكێ جڤاتا قەزا شنگال بۆ (باسنیوز) دیاركر: "ئێدارا شنگال دێ ب فەرمی هەلوەیستەكێ وەرگرن دێ داخوازێ ژ ئەمریكا و هەموو دەولەتێن جیهانێ كەن ئەوێن سۆزدار دگەل ئێزدیان هەڤكاربن بۆ چوونا ئێزدیان بۆ ئەمریكا و بریارا دۆنالد ترەمپی ئێزدیان نەگرت، بتایبەتی ژی كەسێن ژ دەستێن رێكخراوا تیرۆرستی داعش رزگار دبن".
خۆیا ژی كر:" رزگاربوویێن كوردێن ئێزدی پێدڤی ب چارەسەری و خۆلین مەشق و راهێنان و كۆنفرانسان دبن بۆ دیاركرنا ئێش و ئازارێن مللەتی كورد چونكو كوردێن ئێزدی تووشی كارەساتەكا مەزن بووینە. هەكە بریارا دۆنالد ترەمپی كوردێن ئێزدی بگرت دێ زیان بگەهیتە دوسیەیا كوردێن ئێزدی".
تعليقات