پەرلەمانتارێن ئیتالی دێ كۆمكوژیا ئێزدیان ل دادگەها تاوانێن نێڤ دەولەتی تۆمار كەن
ئێزدیخان نیوز:
دسەرەدانا خۆ دا بۆ هەرێما كوردستانێ شاندەكێ پەرلەمانێ ئیتالی،دوهی رۆژا ئێك شەمبوویێ12/2/2017ێ،سەرەدانا پەرستگەها لالش دا و ژبال"حازم تەحسین بەگ"جێگرێ میرێ ئێزدیان و جڤاتا رۆحانی یا ئێزدی و ژمارەكا كەسایەتیێن ئاینی و جڤاكی ڤە هاتە پێشوازیكرن.
میر"هەكار حازم تەحسین بەگ"دراگەهاندنەكێ دا دیاركر:"پشتی شاندی سەرەدانا پەرستگەها سەرەكی كری ل سەر داوی پێشهاتێن دەربارەی رەوشا ئێزدیان ب شێوەیەكێ تایبەتی و كوردستانی ب گشتی ئاخفتن و شاندی دووپاتكر كو وان كاری 50ئیمزایێن ئەندامان ل پەرلەمانی كۆم بكەن و یاسایەكا تایبەت دەربێخن كو ئەوا چێبوویی ل شنگالێ جینۆسایدە د دەرهەقێ ئێزدیان دە ژ ئالیێ سیاسی ڤە و ئەو دێ كار كەن ژبۆ تۆماركرنا كۆمكوژیێ ل دادگەها تاوانێن نێڤ دەولەتی".
میری دا دیاركرن ژی كو جێگرێ میرێ ئێزدیان خەلاتەكێ رێزلێنانێ ژ جڤاتا رۆحانیا ئێزدیان یا بلند پێشكێشی شاندی كرن.
میر هەكار ئەو چەندە ژی راگەهاندیە كو دادوەر"خێری خدر"ئالیێ یاسایی یێ قەبارە وتاوانێن د دەرهەقێ خەلكێ مە یێ بێ گونەه دا هاتینە كرن و كاریگەریا وان ل سەر تاك و جڤاكێ ئێزدی و دەردەسەری و ناچاركرنا وان جهێن خۆ بهێلن و ل خیڤەتان دا بژین و دەستدرێژیكرن و فرۆتنا ژنان و برنا زارۆكێن وان و كوشتنا زەلامێن وان ل گۆرێن بكۆم دا بۆ شاندی شرۆڤەكرن،ژلایەكێ دیڤە تەكەز ل بارودۆخێ قوتابیێن ئێزدی بۆ وان كر كو یا فەرە كورسیێن خووندنێ بۆ خووندنا بلند ل زانكۆیێن ئیتالیا بێنە تەرخانكرن.
ژبال خۆڤە،جێگرێ میری خۆشحالیا بڤێ سەرەدانا دیرۆكی یا پەرلەمانتارێن ئیتالی دەربری و هیڤی خواست ئەڤ سەرەدان دووبارە بن،ب رۆلێ خۆ پەرلەمانتارێن ئیتالی سوپاسیا جێگرێ میری وئێزدیان كر بۆ پێشوازیا ل وان كرین و سۆزدان سەرەدان دووبارە بن.
تعليقات