باسنيۆز:له‌زگين جۆقى
قائێمقامێ قەزا شنگال دیاركر پێزانین هەبوون 1200 رەڤاندیێن ئێزدی ل مووسلێ نە گەلەك ژوانا لایێ چەپی یێن مووسل بوون نۆكە ئەو جه هەموو هاتینە رزگاركرن.ئەڤ هەژمارا رەڤاندی دیارنەبووینە ئەم داخواز دكەین ئۆپەراسیۆنێن جۆری بۆ رزگاركرنا رەڤاندیان بهێنە كرن.
مەحما خەلیل، قائێمقامێ قەزا شنگال بۆ (باسنیوز) دیاركر:" پشتی تیرۆرستێن داعش لایێ مووسل یێ چەپێ ژدەستدای گەلەك ژ رەڤاندیێن ئێزدی بۆ قەزا تەلەعفەر ڤەگوهاستینە، دووڤ پێزانینان 1200 كچ و ژن وزارۆیێن رەڤاندی ل مووسل هەبوون لێ ئۆپەراسیۆنا لایێ چەپێ دووماهیێ هات، چوو رەڤاندی نەهاتنە دیتن. ئەم داخواز ژ هێزێن پێشكدار د ئۆپەراسیۆنا مووسلێ دكەین ئۆپەراسیۆنێن جۆری یێن تایبەت ئەنجام بدەن بۆ رزگاركرنا كچ و ژن وزارۆكێن ئێزدی".
قائێمقامێ قەزا شنگال گۆت:" بتنێ حكومەتا هەرێما كوردستانێ بتایبەتی ژی نڤیسینگەها سەرۆكێ حكومەتا هەرێمێ كاردكەت بۆ رزگاركرنا رەڤاندیێن ئێزدی. مخابن جڤاكێ نێڤدەولەتی ئەو كەسێن ل سەر مافێن زارۆك و ئافرەتان دئاخڤن ل جیهانێ چوو نەكرن بۆ رزگاركرنا رەڤاندیێن ئێزدی ".
تعليقات