نادیا موراد وهەلویستێ وێ یێ دیرۆكی/ خێری كــودی قائیدی
نادیا موراد وهەلویستێ وێ یێ دیرۆكی
خێری كــودی قائیدی
بەری هەموویێ پیرۆزباهیێ ل نادیە مراد دكەین ب راستی كچەكە كوردێن ئێزدی ژدەستێ كافرێن داعش دەركەفت چیرۆكا خۆ بۆ هەموو جیهانێ بێژت ، زۆردارییا لێ هاتیە كرن ، ئەویا ها تیە سەرێ وێ ب سەرێ هەزاران كەچ و كور و دەیكێن كوردێن ئێزدی ب تایبەتی ل شنگالێ و چەندی نادیە مراد بێژت هێش ئیرۆ ئەو زلما ل شنگالێ كری تێر نابێژت ، ئەڤە یەك نموونە یە وەسا لێ هاتی لێ تا نهۆ ژی ب هەزارن یێ ددەستێ رێكخراوا تیرورستێن دا عش دە، چنكو داعش دژی هەموو ئۆل و مرۆڤا یەتیێ و سروشتێ جیهانێ نە وهەرجهێ بچنێ وێراندكەن دێربت مزگەفت بت مەزارگەه بت دهەرفینن.
كچا كوردا ئێزدی نادیا موراد ئەو دەنگ و باسێن وێ زلما ل مرۆڤاتیێ دئێتە كرن هەموو دا دیاركرن و گەهاندە بلنترین پلە وژئەنجامێن وێ پێنگاڤا پیرۆز نەتەوەیێن ئێكگرتی خەلاتكر و بوو بالیۆزا نیاز پاكیێ ل نەتەوەیێن ئیكگرتی و پێشوازیەكە گەرم ژلایێ پەرپرسێن وان ڤە لێ هاتە كرن و وێ كاری وژدانێ هەموو مرۆڤانی وجیهانێ ب رۆندكێن خۆ ب هەژینت ، هەر كە سەكی خودان وژدان بت دێ دلخۆش بت ب ڤێ سەركەفتنێ ب تایبەتی مللەتێ كورد چنكو نادیا موراد ب روحا خۆ ب لەشێ خۆ خۆ كرە قوربانی ل سەر هەموو كەنالین جیهانی ئەو زلما ل كەچ وژنێن ئێزدییا هاتیە كرن دا خویاكرن ، ئەم دكارین بێژین بوو بەلگە بۆ تەڤ قوربانیێن ڤێ فەرمانا رەش.
ب دیتنا من كەسەكی نكاریە ڤێ هێزێ بدە خۆ وخۆ بكەتە نموونە بڤی رەنگی بكارت دەنگێ خۆ بگەهینتە جیهانێ،چنكو چەندین قركرن وكۆمكوژی وكارەسات ب سەرێ كوردا هاتینە وەكی حەلەبچە وئەنفالا و وی دەمی ژی گەلەك كەچ وژن ولاوێن كورد بوونە قوربانی وەسا ددەمەكی كێم دە كەسەك وەسا نەبوو نموونە بۆزانین هنگی ژی ئارمانجا دوژمنا ئەو بوو ناسناما كوردینیێ هندا كەن ،لەورا ئەڤێ كەچا چەلەنگ چەكێ پێشمەرگەی ب هێزتر كر بۆ بەرسینگرتنا تیرۆرستێن داعش وهەموو دوژمنێن كوردستانێ،چنكو ئەو یەكەمین كەس بوون پێشوازییا وێ كری دەمێ ژدەستێ داعش دەركەفتی ، لەورا ئیرۆ دڤێت هەموو كەس ولایەن وسازیێن جڤاكی ورەوشەنبیری وحزبی وحكومی شانازیێ ب كەچەكە وەسا چەلەنگ وێرەك بكەن كو ببتە نموونەنە بۆ گەهاندن وبەلاڤكرنا وێ زلم وزۆردارییا ل كوردێن ئێزدی هاتیە كرن بۆ تەڤ وەلاتێن جیهانێ و ئەو خەلات وپلێن ل سەر ڤی ئاستێ ئیرۆ ئەم دبینین پێ هاتینە بەخشین.
تعليقات