شێخ شامۆ: بەغدا ئاگرێ فتنێ ل شنگال هەلدكەت
باسنيۆز:
نوونەرێ كوردێن ئێزدی ل پەرلەمانێ كوردستانێ و سەرۆكێ دەستەیا بلندا بنگەهێ لالشێ رەوشەنبیری و كۆمەلایەتی ل دهۆكێ دیاركر پارتا كرێكارێن كوردستانێ دەست ب سیاسەتا ترساندنا وەلاتیێن شنگال كریە ئەڤە خزمەتا دۆزا كوردی ناكەت وەك کێشەیا نەتەوەیی ل هەر چوار پارچەیێن كوردستانێ چارە ناكەت.
شێخ شامۆ، نوونەرێ كوردێن ئێزدی ل پەرلەمانێ كوردستانێ و سەرۆكێ دەستەیا بلندا بنگەهی لالشێ رەوشەنبیری و كۆمەلایەتی ل دهۆكێ بۆ (باسنیوز) دیاركر نەدبوو پەكەكە خۆ ل شنگال دا ئاسی بكەت، ئەڤە چەندین جاران كەساتێن شنگال و ئێدارا شنگال داخوازێ ژ پەكەكێ دكەن دەڤەرێ چۆل بكەت، مخابن هەتا نۆكە چۆل نەكرینە، نۆكە كێشەیا مانا پەكەكێ دناڤ ئاخا كوردستانێ دا ل شنگال گەهشتە سەر ئاستی نێڤدەولی ئەڤە پتر ژ دوو سالان بەردەوام پەكەكە یا سیاسەتا ترساندنا وەلاتیان بكار دینت.
نوونەرێ كوردێن ئێزدی ل پەرلەمانێ كوردستانێ گۆت: "عێراقێ نەهێلایە خەلكێ شنگال بریار ل سەر چارەنڤیسێ خۆ بدەن ئەڤ كارەساتا مەزن ب سەری خەلكێ مە ئێنان نۆكە ژی هاریكاریا گروپەكێ نە قانوونی ل شنگال دكەن و ئاگرێ فتنێ ل شنگال هەلدكەت".
تعليقات