پلانەك بۆ دكیۆمێنتكرنا كارەساتا ئێزدیان ل فەرەنسا هاتە دانان
ئێزدیخان نیوز:
ل سەر داخوازناما تایبەت ژ فیدرالیا نێڤ دەولەتی یا مافێ مرۆڤی،چالاكڤانێ ئێزدی دبوارێ دكیۆمێنتكرنا كارەساتا شنگالێ دا "بەهزاد فەرحان" سەرەدانا بارەگایێ سەرەكی یێ فیدرالیێ ل پاریسێ پایتەختێ وەلاتێ فەرەنسا كر.
د داخویانیەكێ دا بۆ مالپەرێ ئێزدیخان نیوز،چالاكڤان"بەهزاد فەرحان"گۆت: ل 30/6/2016 وی سەرەدانا بارەگایێ سەرەكی یێ فیدرالیێ ل پاریسێ پایتەختێ وەلاتێ فەرەنسا كر هەتا 7تەموزێ،كو دزنجیرەیەكا كۆمبوونان و رونشتنان دا چەندین بابەت هاتن گەنگەشەكرن،ئەو ژی نیشاندانا هەموو پێشلكاری و تاوانان یێن ل دژی ئێزدیان هاتینە ئەنجامدان ژبال رێكخراوا دەولەتا ئیسلامی و میكانزمێن دكیۆمێنتێ،كاركرن بۆ چاوانیا گەهشتنا گرتیان و ئازادكرنا وان،داخوازكرن ژ رێكخراوێ بۆ ئامادەكرنا بەرنامەیەكی بۆ هاریكاریكرنا ئاوارەیان و رزگاربوویان.
فەرحان ئەو ژی ئاشكەراكر:ل داویا كۆمبوونێ پلانەكا هەڤبەش مە دانا بۆ پێشڤەچوونێ بۆ چاوانیا هەماهەنگی و هەڤكاریێ دبیاڤێ دكیۆمێنتكرنا ئازار و پێشلكاریێن ددەرهەقێ ئێزدیان دا هاتینە ئەنجامدان.
