بنگەهێ لالش بەردەوامە ل سەر خەلاتكرنا قوتابیێن سەركەفتیێن ئێزدی
ئێزديخان نيوز:
بەردەوامیدان ل پێكۆلێن بنگەهێ لالش ل خەلاتكرنا قوتابیێن ئێزدی یێن ل سالا خووندنێ 2015/2016سەركەفتین،نها پێكۆل بەردەوامن ژبال دەستەیا بلندا بنگەهێ لالش وهەموو تایی و نڤیسینگەهان،ژبۆ خەلاتكرنا چەند گەرێن دی ژكور و كچێن مە یێن سەركەفتی ل قۆناغێن خووندنێ یێن پێشكەفتی.
ئاماژێ دكەین كو بنگەهێ لالش ل درێژاهیا سالێن بۆری دا قوتابیێن سەركەفتیێن ئێزدی ل قۆناغێن جودایێن خووندنێ دا خەلاتكرینە،ژبەركو ئەم دبینین قوتابی پاشەرۆژن و پشت بەستنێ ل وان دكەین بۆ پشكداریكرنا ئەكتیف ل ئاڤاكرنا جڤاكی دا و پێشكەفتنا وی،دڤێت ئاماژێ ب پێكۆلێن بلند یێن قوتابیێن خۆ بدەین،ئەوێن سوربووین كو سەركەفتنێ تەمام بكن،سەرەرای كاودانێن ب زەحمەت یێن راستی یێن ئێزدی ژ دوو سالان تێرا دەرباز دبن،ب ئەگەرێ دەست ب سەرداگرتنا گرۆپێ داعش یێ تیرۆرستی ل سەر پتریا دەڤەرێن ئێزدیان،قوتابیێن مە یێن سەركەفتی هەتا نۆكە هێشتا ل كەمپێن ئاوارەبوونێ دانە،ئەڤ بارە جهێ شانازیا مەیە.
بەلگەیەكێ رۆنە كو مرۆڤێ ئێزدی دڤێتن سەركەفتنێ ب دەست ڤە بینت و بگەهتە زانستی دهەر كاودانەكی دا بت،ئەڤە ئاماژەیە كو ئاستەنگ و بەربەست نابنە رێگر ل بەردەم سەركەفتنا قوتابیێن مە.
ئەم پیرۆزباهیا ئاراستەی هەموو كور و كچێن خۆ یێن قوتابیێن ئێزدی یێن سەركەفتی دكەین،دووپات دكەین كو ئەم دێ مینین وپشته‌ڤان بين بۆ هەر بەهرەیەكا ئێزدی ل بیاڤێن جودایێن ژیانێ دا.
دەستەیا بلندا بنگەهێ لالش یێ رەوشەنبیری و كۆمەلایەتی/دهۆك
13تەموزا 2016
