وەزیرێ گەشەپێدانا فه‌ره‌نسا سەرەدانا پەرستگەها لالش کر
ئێزديخان نيوز:
ئەڤرۆ ٢٠ێ تەموزا ٢٠١٦ێ، وەزیرێ گەشەپێدانا فرانسا و کونسولێ وی وەلاتێ ل هەرێمێ ب هەڤالینی دگەل چەند بەرپرسەکێن هەرێمێ سەرەدانا پەرستگەها لالش کرن بۆ ژ نێزیک ڤە هایدار بوون ژ رەوشا ئێزدیان.
نووچەگەهانێ ئێن ئاڕ تی راگەهاند، پشتی نیڤرۆیا ئەڤرۆ ئەندرێڤالینی وەزیرێ گەشەپێدانا فرانسا و ئالن کیبرات کونسولێ گشتیێ فرانسا ل هەرێمی سەرەدانا پەرستگەها لالش کرن بۆ کو ژ نێزیک ڤە ژ رەوشا دەڤەرێ و ئێزدیان هایدار ببن.
هەروەسا راگەهاند ژی، ژلایێ حازم بەگ جیگرێ میرێ ئیزدیان ڤە پێشوازی ل وەزیرێ گەشەپێدانا فرانسا و شاندێ دگەل دا هاتە کرن و د کۆمبوونەکێ گوتوبێژ ل سەر رەوشا ئێزدیان کر.
ئەڤە د دەمەکیدایە کو شەڤا دەربازبوویی وەزیرێ گەشەپێدانا فرانسا گەهشتە هەرێما کوردستانێ و ژلایێ فەلاح مستەفا بەرپرسێ فەرمانگەها پەیوەندیێن دەرڤە یێن هەرێمێ پێشوازی لێ هاتە کرن.
بریارە د سەرەدانا خوە دا ئەندرێڤالینی وەزیرێ گەشەپێدانا فرانسا دگەل بەرپرسێن پلە بلندێن هەرێما کوردستانێ دا کۆمببیت.
ژێده‌ر:ئين ئارتى
