داخواز ژ كەنەدا هاتە كرن پێشوازیێ ل 10هەزار پەنابەرێن ئێزدی بكەت
ئێزدیخان نیوز:
موراد ئسماعیل،سەرۆكێ جڤاتا كارگێریا رێكخراوا یەزدا،دوهی 19تەموزا 2016،پەیڤەك ل پەرلەمانێ كەنەدی پێشكێشكر و تێدا چەند داخوازی بۆ ئێزدیان كرن.
ناڤهاتی دراگەهاندنەكێ دا ئاشكەراكر و دبێژت وی پێنج داخوازی ژ پەرلەمانێ كەنەدی بۆ ئێزدیان كرینە.
1.پێشوازیكرن ل 5هەتا10هەزار پەنابەرێن ئێزدی ل كەنەدا،ب تایبەت ژ قوربانیێن سەرەكی یێن كۆمكوژیێ ژ گرتییان،ئێتیمان و بێ ژنان و كەس و كارێن وان،دیسان پەنابەرێن ل توركیا و یونانێ.
2. بریاردان ب كۆمكوژیێ ل پەرلەمانێ كەنەدی و دووبارە پێشكێشكرنا یاسایەكا تایبەت بۆ پەرلەمانی پشتی رەتكرنا یاسایا ئێكێ ل هەیڤا بۆری،پێشكێشكرنا هاریكاریێ بۆ ڤەگۆهاستنا دۆسەیا كۆمكوژیێ بۆ دادگەها تاوانێن نێڤ دەولەتی،حكوومەتا كەنەدا ب سوپاسی ڤە نامەك پێشكێشكر بۆ جڤاتا ئاسایشێ و تێدا داخواز كر دووڤچوون ل دۆسەیا كۆممكوژیێ بێتە كرن.
3.هاریكاریكرن بۆ رزگاركرنا دەڤەرێن ئێزدیان،دووبارە ئاڤەدانكرنا شنگال و دەڤەرێن دیتر،دانا گرەنتیێن نێڤ دەولەتی ژوانا دانانا دەڤەرەكا ئارام یان پاراستنا نێڤ دەولەتی،دا ئێزدی بكارن ل ئەردێن خۆ بمینن.
4.پێشكێشكرنا هاریكاریێن مرۆڤایەتی بۆ ئاوارەیان و پەنابەران ل كەمپان.
5.پێشكێشكرنا هاریكاریێن مادی بۆ رزگاربوویان و كەس و كارێن وان.
