ناڤبرى گۆتژى:من ژیوسف محه‌مه‌د دپرسم پێش كاره‌ساتا شنگال له ژیانا خۆ دا سه‌ره‌دانا باژێرێ شنگال و ده‌ڤه‌رێن ئێزدى نشین كريه، به‌روڤاژى یوسف محه‌مه‌د و فراكسیۆنا وى ل وى ده‌مێ كو ل پۆستێ سه‌رۆكێ په‌رله‌مان بوو به‌رده‌وام دژایه‌تيا مافێ كوردێن ئێزدی دكرد ، بۆنمونه ب ئيمزايا ژماره‌یه‌كا زۆر ژ په‌رله‌مانتاران پڕۆژه‌یه‌ك مه سه‌باره‌ت ب جینۆساید ناساندنا كاره‌ساتا شنگال و قه‌ره‌بووكرنا خه‌لكێ شنگال و ده‌وروبه‌ران به‌لێ ئه‌و به‌هانه ئد ده‌رێخستن و ڕۆژ بۆ رۆژێ پڕۆژه پاش دئێخست و تا نۆكه رازه‌مه‌ندی ل سه‌ر نه‌دايه.
ئه‌و نوونه‌رێ كوردێن ئێزدی ل په‌رله‌مانێ كوردستانێ كو ب ئێك ژ كه‌سایه‌تیێن ديارێن كوردێن ئێزدی دئێته هژمارتن ئاماژه كر كو ئه‌گه‌ر هێزێن پێشمه‌رگه‌ى و سه‌رۆكایه‌تيا هه‌رێما كوردستانێ و حكوومه‌تا هه‌رێما كوردستانێ نه‌بانه،دا نۆكه مه‌زنترين كاره‌سات ب سه‌ر كوردێن ئێزدی دهات ل سه‌ر ده‌ستێ تیرۆرستێن داعشێ،به‌لێ پێشمه‌رگه‌ى و سه‌رۆكایه‌تيا هه‌رێما كوردستان بوو كو ئێزدی رزگاركرن.
شێخ شامۆ زێده‌تر گۆت:ئه‌ڤه چه‌ند جاره و ل وى ده‌مێ ل پۆستێ وى هاتيه لادان یوسف محه‌مه‌د هه‌ول دده‌ت كو كوردێن ئێزدی و ئه‌و كاره‌سات و ڕوودانێن ب سه‌ر دا هاتين وه‌كو هۆكاره‌ك بكاربينت بۆ ئامانجێن خۆ، ئه‌ڤه د ده‌مه‌كى دايه كو من وه‌كو نوونه‌رێ ئێزديان ل په‌رله‌مانێ كوردستانێ شایه‌تا وێ دده‌م كو ئه‌و ل ژیانێدا هه‌ڤكار و خه‌مخۆرێ كوردێن ئێزدی نه‌بوويه.
ل رۆژا سێ شه‌مبوويا بۆرى یوسف محەمەد بۆ ئاژانسا هەوالێن "نۆڤۆستی" رووسی ب ناڤێ سەرۆكێ پەرلەمانێ كوردستانێ ل لێدوانه‌كێ دا، ل دۆسه‌يا كارەساتا ئێزديان به‌ره‌ڤانى ژ داعشێ كربوو و گۆتبوو پێشمەرگە هۆكارێ كارەساتێ يه،میدیايا ئەرەبی، ب تایبەتی ئەوێن هاوسۆزێن داعشن، ب شێوەیەكێ به‌رفره لێدوانا یوسف محەمەد ل دژی پێشمەرگە ب كارئينان.
