ئێزديخان نيوز:
گرۆپێ بۆچۆنا جڤاکا ئێزدیا ئەڤ گرۆپە هاتیە دامەزراندن ل وەلاتێ ئەلمانیا، ژبۆ چاکسازیا و هاریکاریا ئێزدیا و چاوانیا گونجاندنا وان لگەل جڤاکێ ئەلمانی،ئەڤ گرۆپە پێک دئێت ژ کۆمەکا جوانێن ئێزدیا کو رەوشەنبیرن ژ هەموو پلە و تەخا وەکی مامۆستایا و رۆژنامەڤانا و پارێزەر و هۆزانڤانا و زەلامین ئایینی...هتد.
ئەندامێت ڤی گرۆپی ژ ئێزدیێن کوردستانێ و ئەلمانیا نە،ڤی گرۆپی ب فەر زانی رابت ب ئەرکێ خۆ و خزمەتا جڤاکا ئێزدی هەرژ دەستپێکا دامەزراندنا خۆ کارکر ل سەرکێمکرنا نەختێ کچا ئێزدی، دا ئاسته‌نگ نەمینن به‌رامبه ر گەنجێن ئێزدی تایبه ت ل ئه‌وروپا و ب خۆش به‌ختانه ئه‌نجامه‌كێ باش ب ده‌ست ڤەهات و كور و كچه‌كا ئێزدی ب ناڤێ(فه‌لاح&زه‌یتون) ب نه‌خته‌كێ كێم هه‌ڤژينى پێك ئينا و هێشا به‌رده‌وامه،هه‌روه‌سا ئه‌وبوویه‌رێن ل كەمپه‌کا بیلیفیلد چێبووین ب دژی ئێزدیا،ڤی گرۆپی به‌ری هه‌ركه‌سه‌كی سه‌ره‌دانا وان كر و پشتەڤانیا خۆ دیاركرن بۆ وان ئێزدیا.
هه‌روه‌سا ڤی گرۆپی به‌ری دوو رۆژا سەره‌دانا باژێرێ شتوتگارت کر و سەره‌دانا وان خوشک و دەيکێت رەڤاندی کرن،داکو هاریکاریا وان بکه‌ن و ئەو هزربکه‌ن ئەوژی پارچه‌کن ژ ڤی جڤاکی و جاره‌کا دی دێ ڤەگەرن بۆ جڤاکی، ڤی گرۆپی بزاڤ كر كو ئه‌و كچ و ژنە هزربکه‌ن كه‌س و كارێت وان ل هه‌موو جی و ده‌را هه‌نه، دیسا ئه‌ڤ گرۆپە وێ کاردکه‌ن بۆ بەرهەڤکرنا خۆنیشاندانەکا ئاشتیانه پشتی روودانیت بیلیفیلد ،دا كو پاراستنا کەمینا بێته كرن تایبه ت(مه سیحی و ئێزدیا).
ئه‌ندامێ گرۆپێ بۆچونا جڤاکا ئێزدیا
پارێزه‌ر سالار فائز/ ئه‌لمانیا
