دگۆپيتكا مرۆڤايه‌تى دا ل ئه‌سته‌نبوولێ ناديا موراد ل سه‌ر كۆمكوژيا ئێزديان ئاخفت

ئێزديخان نيوز:

چالاكڤانا ئێزدى ناديا موراد دسمينارا تايبه‌ت دا يا هاتيه‌ سازدان دپه‌راوێزا گۆپيتكا مرۆڤايه‌تى يا نێڤ ده‌وله‌تى دا ئه‌وا ل ئه‌سته‌نبوولێ هاتيه‌ گرێدان،ل سه‌ر چيرۆكا خۆ و كۆمكوژيا ئێزدى تووشبووينێ ئاخفت. 

ناديا موراد راگه‌هاند،ل سه‌ر داخوازناما نوونه‌راتيا ئه‌مريكا ل نه‌ته‌وه‌يێن ئێكگرتى و نڤيسينگه‌ها نه‌هێلانا تاوانان يا گرێدايى نه‌ته‌وه‌يێن ئێكگرتى،ل رێككه‌فتى 24ئه‌يارێ 2016،دسمينارا تايبه‌ت دا يا هاتيه‌ سازدان دپه‌راوێزا گۆپيتكا مرۆڤايه‌تى يا نێڤ ده‌وله‌تى دا ئه‌وا ل ئه‌سته‌نبوولێ هاتيه‌ گرێدان،ئاخفتم ل سه‌ر چيرۆكا خۆ و كۆمكوژيا جڤاكێ من تووشبوويێ و ئێشا جڤاكێن بووينه‌ قوربانيا تيرۆرێ،هه‌روه‌سا دپه‌يڤا خۆ دا من ته‌كه‌ز كر ل سه‌ر بازرگانيكرن ب مرۆڤان ل شه‌ران و ئێشێن ژن و زارۆكان ب شێوه‌يه‌كێ گشتى.