التخطي إلى المحتوى الرئيسي
بحث هذه المدونة الإلكترونية
چالاكڤانه‌كا ئێزدى:هه‌زاران ره‌ڤانديێن ئێزدى يێ دنالن
ئێزديخان نيوز:
چالاكڤانه‌كا ئێزدى دبوارێ مافێ ژنێ ده ئاشكه‌را دكه‌ت،ژبه‌ر قه‌يرانا دارايى ل هه‌رێمێ،جهێن په‌يوه‌نديدار ئه‌و توندوتيژيا ل دژى ژنا ئێزدى دئێته كرن پشت گۆهاڤێتيه.
(چنار شه‌مۆ)چالاكڤانا ئێزدى دبوارێ مافێ ژنێ ده بۆ ئێزديخان نيوز دياركر،نۆكه ب هه‌زاران كچ و ژنێن ئێزدى يێن ره‌ڤاندى ژبال تيرۆرستێن داعشێ ڤه ل به‌ندا ئازاديا خۆنه و دخوازن ژ وێ نه‌خۆشيا كو ئه‌ڤه بۆ ماوه‌يێ ساله‌ك و چه‌ند هه‌يڤايه ژڤێ توندوتيژيێ دنالن بێنه رزگاركرن،له‌وما داخوازێ ژ جهێن په‌يوه‌نديار دكه‌م و ب تايبه‌ت حكوومه‌تا هه‌رێما كوردستانێ كو ئێدى برين كوور بووينه وتوندوتيژى دۆم كريه،له‌وا رێكه چاره‌يه‌كا بله‌ز ببينن بۆ رزگاركرنا ڤان ره‌ڤانديان.
گۆتژى ژبه‌ر قه‌يرانا دارايى ل هه‌رێمێ، نۆكه بێ ده‌نگيه‌ك ل سه‌ر بابه‌تێ كچ و ژنێن ئێزدى يێن دده‌ستێ تيرۆرستێن داعشێ دا چێبوويه،جهێن په‌يوه‌نديدار ئه‌و توندوتيژيا ل دژى ژنا ئێزدى دئێته كرن پشت گۆهاڤێتيه.
ڤێ چالاكڤانێ زێده‌تر گۆت:دڤيا هه‌رده‌م رۆلێ حكوومه‌تا هه‌رێمێ و هنده‌ك كه‌سايه‌تيێن ئێزدى ژبير نه‌كه‌ين،كو ب راستى رۆلێ وان به‌رچاڤ بوويه و ئه‌ڤه بۆ ماوێ پتر ژساله‌كێ يه ب هه‌زاران كچ و ژنێن ئێزدى ژ ده‌ستێ تيرۆرستێن داعشێ رزگاركرينه.
