ڤه‌كۆله‌رێ ئێزدى(داود موراد خه‌تارى) دسه‌ره‌دانه‌كێ دا بۆ گوندێن ئێزديان ل وێران شهر و كه‌لهێن شوونوارى ل ئه‌نقه‌ره،چه‌ند چاڤپێكه‌فتنان لگه‌ل ئاكنجيێن وان گوندان ئه‌نجام دده‌ت.
ده‌رباره‌ى سه‌ره‌دانا خۆ بۆ گوندێن ئێزديان ل توركيا(داود موراد خه‌تارى) بۆ مالپه‌رێ ئێزديخان نيوز گۆت:ل رۆژانێن 4 و 5 شووباتێ 2016،وى سه‌ره‌دانا گوندێن ئێزديان ل وێران شهر و كه‌لهێن شوونوارى ل ئه‌نقه‌ره كريه،چه‌ند چاڤپێكه‌فتن لگه‌ل ئاكنجيێن ڤان گوندان من ئه‌نجامدان و من پرسيار ل سه‌ر مه‌عيشه‌ت و چاوانيا پێكڤه‌ژيانا ئاشتيانه دگه‌ل پێكهاتێن دى ل گوندێن ره‌خێن وان كر.
هه‌روه‌سا (ججان ميرو)دايك بوويێ 1923ژهۆزا(رشى)و ل گوندێ(خربێ بلێك)ل باشوورێ وێران شهر ئاكنجيه،كو باپيرێن وان ل گوندێ ئه‌لداوديه(بير داود)ل ده‌ڤه‌را جنار ل دياربه‌كر ئاكنجيبوون و مه 25گوندێن ئێزديان ل دياربه‌كر هه‌بوون،به‌لێ ژبه‌ر زۆرداريا ئۆسمانيان مه كۆچكر بۆ وێران شهر،ديسان پتريا بنه‌مالا مه يا هۆزا رشى ل باژێرێ قونيا ل باشوورێ توركيا دژين و ل ئێك فه‌رمانێن ئۆسمانيان هاتنه گهۆرين بۆ ئاينێ ئيسلامێ.
هه‌روه‌سا(نه‌جاتى ميرو)يێ ناڤدار ب(كرون)گۆت:23گوندێن ئێزديان ل وێران شهرن و ئه‌و ژى ئه‌ڤه‌نه(خربێ بلێك،قورى،ئشخين،ئولاخج،كدا،برجى،ملاقجى،موزك ئه‌لعليا و موزك ئه‌لسفلى،تنتريخ)وهۆزێن(رشى،خالتى،شرقى،ماسكى)و هتد لێ هه‌ينه،ژوان پێنج گوند ماينه ئێزدى تێدا و ژمارا ئاكنجيێن وان 350كه‌سن،خه‌لكێ گوندێن دى كۆچكرنه ئه‌وروپا،سه‌نه‌دێن خانييان و ملكێن هه‌موو گوندان ب ناڤێ مه‌نه و خه‌لكێ گوندان چاندنێ و بازرگانيێ دكه‌ن.
ل دۆر پێكڤه‌ژيانا ئاشتيانه ل ده‌ڤه‌رێ من چاڤ كه‌فت ب(مه‌لا نه‌زير)گۆتاربێژێ مزگه‌فتا گوندێن بوسلمانان يێن ل ده‌وروبه‌رى گوندێن ئێزديان،دووپات ل برانيا دناڤبه‌را بوسلمان و ئێزديان دا كر و زێده‌تر گۆت:سه‌ره‌دانا هه‌موو گوندێن ئێزديان ل هه‌لكه‌فت و جه‌ژنان دكه‌م،پاشى ل سه‌ر مێژوويا ئێزديان و فه‌رمانێن ب سه‌رێ وان دا هاتين ئاخفتين،مه‌لا نه‌زير دووپاتكر كو چه‌ندين مه‌زارێن ئێزديان ل گوندێن ماردين هه‌بوون ژئاڤاهيێن وان بتنێ شوونوار ماينه،ئه‌م به‌رهه‌ڤين هه‌ڤكار بين لگه‌ل وه،ژبۆ نووژه‌نكرنا وان مه‌زاران و نڤيسينا مێژوويا خوداوه‌ندێ مه‌زارى.
ل داويێ من سوپاسيا هه‌لويستێ وى كر و گۆتێ:دێ جاره‌كا دى سه‌ره‌دانا ته كه‌م و ل هه‌موو گوندێن ئێزديان دێ گه‌رين و شوونوار و مه‌زارێن وان.
