التخطي إلى المحتوى الرئيسي
بحث هذه المدونة الإلكترونية
ئه‌رشيفه‌كى پاراستى يێ كاره‌ساتا شنگالێ دێ ل ئه‌وروپا ئێته به‌لاڤكرن
ئێزديخان نيوز:
رۆژنامه‌ڤان و وێنه‌گره‌كى ئێزدى چه‌ندين ديمه‌نێن كاره‌ساتا شنگالێ دكيۆمێنتكرينه،كو هه‌تا نۆكه نه‌هاتينه به‌لاڤكرن و ئاشكه‌راكرن و وه‌ك ئه‌رشيف پاراستينه،دخوازن بگه‌هينه جهێن شۆله‌ژێ وبكه‌ن فلمه‌كى دكيۆمێنتى و ل وه‌لاتێن ئه‌وروپا به‌لاڤ بكه‌ن.
رۆژنامه‌ڤان(سفيان دلكانى)چه‌ندين ديمه‌نێن كاره‌ساتا شنگالێ دكيۆمێنتكرينه و هه‌تا نۆكه نه‌هاتينه به‌لاڤكرن و وه‌ك ئه‌رشيف پاراستينه بۆ مالپه‌رێ ئێزديخان نيوز دبێژت:پشتى بۆرينا 40رۆژان ل سه‌ر كاره‌ساتا شنگالێ ئه‌ز چۆم چيايێ شنگالێ و من گه‌له‌ك ديمه‌ن دكيۆمێنتكرن و گه‌له‌ك كه‌س ژ تێهن و برسا دا مربوون،ديسان چۆمه ب ترسترين جى ئه‌و ژى قه‌نديلا سۆلاخێ كو دوو كيلۆمه‌ترا ژ ناڤه‌ندا سه‌نته‌رێ باژێرێ يه دوور بوو،من ته‌رمێن گه‌له‌ك كه‌سان ديتن و پتريا وان دانعه‌مر بوون،جارا دوويێ ژى ل هه‌يڤا دوازده يا سالا 2014ێ چۆم چيا و هه‌تا ناوچه‌يا سنوونێ نه‌هاته رزگاركرن ل وێده‌رێ مام بۆدكيۆمێنتكرنا حالێ خه‌لكى،ديسان شه‌رێ شه‌رڤانێن ئێزدى و هێزێن پێشمه‌رگه‌ى ژى دگه‌ل تيرۆرستێن داعشێ من وێنه‌كريه وى ده‌مى چ كه‌نال و رۆژنامه‌ڤان ژبلى من ل وێده‌رێ نه‌بوون،هه‌روه‌سا پشتى رزگاركرنا سنوونێ ئه‌ز و برايێ خۆيێ وێنه‌گر(بارزان)رابووين ب دكيۆمێنتكرنا وان گوندێن هاتينه تالانكرن و ئه‌و كۆمكوژيێن هاتين ديتن مه هه‌موو دكيۆمێنتكرن.
دلكانى هه‌روه‌سا ئاشكه‌راكر:پشتى رزگاركرنا شنگالێ ئاليێ قبله‌تێ مه ب كاميرا خۆ ڤه به‌شدارى كر،پاشان ئه‌ز چۆمه ده‌رڤه‌ى وه‌لاتى ونۆكه ل وه‌لاتێ ئه‌لمانيا ئاكنجى مه،به‌لێ برايێ من به‌رده‌وامه ژ بۆ پرۆگرامێ مه و دكيۆمێنتكرنا هه‌ر تشته‌كى ل شنگالێ وه‌ك مالێن په‌قاندى و كۆمكوژى،زێده‌بارى دكيۆمێنتكرنا ره‌وشا ئاواره‌يان دناڤ كه‌مپان دا.
ناڤبرى گۆتژى ئه‌ڤ كارێ خۆ وه‌ك ئه‌رشيف مه پاراستيه و هه‌تا نۆكه مه نه‌دايه چ جهان و دئێته هژمارتن و ديتن ب باشترين ئه‌رشيف،ژ كه‌نال و رۆژنامه‌ڤانان و وێنه‌گران ئه‌ڤ كاره‌سات وه‌سا وێنه نه‌كريه ،ئه‌وێن كاره‌سات وێنه‌كرين ژى هه‌موو ئه‌رشيفێ خۆ فرۆتن و ئه‌م يێ خۆ نافرۆشين،ديسان گه‌له‌ك وێنێن ڤێ جينۆسايدێ نه‌گه‌هشتينه جهێن به‌رپرس و شۆله‌ژێ،دخوازين ب ده‌ستێ خۆ بگه‌هينين جهێن شۆله‌ژێ يان بكه‌ين فلمه‌كى دكيۆمێنتى و ل وه‌لاتێن بيانى بێنه به‌لاڤكرن نه ل كوردستانێ.
ئاماژه كرژى گه‌له‌ك جها ژ مه خواستيه ڤى ئه‌رشيفى بفرۆشينێ،به‌لێ ئه‌م رازينه‌بووينه بفرۆشينێ.
