ئێزديخان نيوز:نێچيرڤان شێخ شامۆ
شانده‌كى بلند يێ وه‌لاتێ ئه‌مريكا،ئيرۆچارشه‌مبوويێ،سه‌ره‌دانا په‌رستگه‌ها پيرۆزا لالش كر و ژبال چه‌ند كه‌سايه‌تيێن ئێزدى ڤه هاته پێشوازيكرن.
شاندێ ناڤبرى پێكهاتى بوو ژ(tom malinowski)هاريكاريێ وه‌زيرێ ده‌رڤه يێ ئه‌مريكا بۆ ديموكراسيه‌ت و مافێ مرۆڤى و(ستيوار جونس)باليۆزێ ئه‌مريكا ل عێراقێ و(knoxthames)شيره‌تكارێ تايبه‌ت بۆ كاروبارێن كێم ئاينان ل ناڤه‌راستا ئاسيا و كونسلێ ئه‌مريكا ل هه‌ولێرێ ب وه‌كاله‌ت و ستافه‌كى لگه‌ل دا،ژئاليێ(حازم ته‌حسين به‌گ)وه‌كيلێ ميرێ ئێزديان و سه‌ماحه‌تا(بابا شێخ)و(شێخ شامۆ)نوونه‌رێ ئێزديان ل په‌رله‌مانێ كوردستانێ ل سه‌ر فراكسيۆنا پارتى ديموكراتى كورستان و سه‌رۆكێ ده‌سته‌يا بلندا بنگه‌هێ لالش و (كه‌ريم سلێمان)شيره‌تكارێ جڤاتا رۆحانى و( ميرزا حه‌جى ميرزا،عه‌لى موراد به‌ركات)كه‌سايه‌تيێن شنگالێ ڤه هاته پێشوازيكرن.
دجڤينه‌كێ دا كو بۆ ماوه‌يێ سێ ده‌مژمێرا ڤه‌كێشا،دانوستاندن ل سه‌ر ره‌وشا ئێزديان ب گشتى هاته كرن و ب تايبه‌ت پشتى كاره‌ساتا شنگالێ و هێرشا تيرۆرستێن داعشێ.
