سه‌رۆك كۆمارێ عێراقێ پێشوازى ل قايممقامێ شنگالێ كر
ئێزديخان نيوز:
سه‌رۆك كۆمارێ عێراقێ(فواد معصوم)ل كۆچكا سه‌لام ل به‌غدايێ،پێشوازى ل قايممقامێ شنگالێ كر.
راگه‌هنادنا قايممقاميا قه‌زا شنگالێ دياركر،كو ل رێككه‌فتى 23/2/2016،سه‌رۆك كۆمارێ عێراقێ(فواد معصوم)ل كۆچكا سه‌لام ل به‌غدايێ،پێشوازى ل(مه‌حما خه‌ليل) قايممقامێ شنگالێ كر،د ديداره‌كێ دا سه‌رۆك كۆمارى داخوازكر هه‌موو پيكۆل بێنه كرن بۆ دووباره ڤه‌گه‌راندنا ژيانێ و ده‌ستپێكرنا كارێ فه‌رمانگه‌هێن فه‌رمى و هاريكاريكرنا خێزانان ل شنگالێ و دووباره گه‌هاندنا خزمه‌تكاريێن سه‌ره‌كى بۆ وه‌لاتيان و ئاڤه‌دانكرنا خانيێن وان يێن زيان پێ كه‌فتين و ژێرخانه‌يا باژێرى.
سه‌رۆك مه‌عصوم داخواز ژ جهێن تايبه‌تمه‌ند كر گۆرێن ب كۆم ئاشكه‌را بكه‌ن و كار ژبۆ ناسكرنا قوربانيان و راده‌ستكرنا روفاتێن وان بۆ كه‌س و كارێن وان بكه‌ن.
هه‌روه‌سا سه‌رۆك كۆمارى رشىدى ل رۆلێ رێكخراوێن مرۆڤايه‌تى يێن نێڤ ده‌وله‌تى كر بۆ دكيۆمێنتكرنا تاوانێن رێكخراوا داعش و رزگاركرنا ره‌ڤانديان ل نك گرۆپێن تيرۆرستى.
ژبال خۆڤه قايممقامێ شنگالێ قۆناغێن دووباره ئاڤه‌دانكرنا باژێرى نيشاندان و پێشكێشكرنا خزمه‌تكاريێن پێدڤى بۆ وه‌لاتيان،دووپات ژى ل گرنگيا سه‌رۆك مه‌عصوم ب ره‌وشا شنگالێ و حالێ خه‌لكێ وێ كر.
