مه‌حما خه‌ليل،ب مالپه‌رێ پارتى ديموكراتى كوردستان راگه‌هاند،تيمێن هه‌لگرتنا مينان ل شنگالێ به‌رده‌وامن ل سه‌ر كارێ خۆ و هه‌تا نۆكه زێده‌ترى 50%هاتيه پاقژكرن و ب هه‌زاران ته‌نێن مين و ته‌قه‌مه‌نييان هاتينه هه‌لگرتن ،چنكو رێژه‌يه‌كا ئێكجار يا زۆر يا مين و ته‌قه‌مه‌نيان ل شنگالێ هاتبوونه چاندن و ب تنێ ل تونێله‌كێ ده هه‌فت ته‌ن و ل گۆرستانه‌كێ پێنج ته‌ن دانابوون.
خه‌ليل گۆتژى ل سه‌ر ئه‌ركێ حكوومه‌تا هه‌رێما كوردستانێ ،رێيا سه‌ره‌كى يا شنگالێ دێ ئێته نووژه‌نكرن،نۆكه ژى ده‌ست ب كارى هاتيه كرن،به‌لێ حكوومه‌تا عێراقێ هيچ پێنگاڤه‌ك بۆ ئاڤه‌دانكرنا شنگالێ نه‌هاڤێتيه.
قايممقامێ شنگالێ دبێژت ژى،په‌كه‌كێ هه‌تا نۆكه باره‌گايێن شنگالێ چۆل نه‌كرينه و ئاماده نينن چۆل بكه‌ن،بۆ ده‌ست ب ئاڤه‌دانكرنا وى باژێرێ وێرانكرى بێته كرن،هه‌موو رێگه‌يه‌كا ياسايى دێ گرينه به‌ر،ژبه‌ركو ئه‌و رێزێ ل خوونا شه‌هيدان و كاره‌ساتا شنگالێ ناگرن.
