التخطي إلى المحتوى الرئيسي
بحث هذه المدونة الإلكترونية
ديدارا سه‌رۆكێ كۆمارا مسرێ دگه‌ل رزگاربوويا ئێزدى ناديا مراد
ئێزديخان نيوز:
(عبدالفتاح ئه‌لسيسىى)سه‌رۆكێ كۆمارا مسرێ يا ئه‌ره‌بى،ئيرۆ رۆژا شه‌مبوويێ 26/12،پێشوازى ل رزگاربوويا كوردا ئێزدى ناديا مراد كر،ئه‌وا كارى خۆ ژ ده‌ستێن تيرۆرستێن داعشێ قورتال بكه‌تن.
عه‌لا يوسف،په‌يڤدارێ سه‌رۆكاتيا كۆمارا مسرێ بۆ مالپه‌رێ(المصري اليوم) گۆت:وه‌لاتيا عێراقى ل ديدارا دگه‌ل سه‌رۆكى سوپاسى و رێزگرتنا خۆ ب ناڤێ وه‌لاتيێن ئێزدى دياركر بۆ وێ داخوازايا ئاراسته‌ى وێ كرى به‌رى دوو رۆژان كو ل گه‌ل ديدارێ بكه‌تن،دووپات ل رۆلێ مسرێ يێ مه‌زن ل جيهانا ئيسلامى و ل دژى تيرۆرێ و هزرا توندره‌و كر.
په‌يڤدارێ فه‌رمى دا دياركرن ژى كو وه‌لاتيا عێراقى ل ديدارێ ده به‌حسێ وان هێرشێن درندانه كر يێن ئێزدى تووش بووينێ ژلايێ تيرۆرستێن داعشێ ڤه ل ده‌ڤه‌را شنگالێ باكوورێ عێراقێ،وه‌لاتيا عێراقى رۆنكرژى تيرۆرستان ب ناڤێ ئيسلامێ كاردكرن و رژدى ل وێ پيكڤه‌ژيانا دناڤبه‌را بوسلمانان و ئێزديان ده ل عيراقێ كر.
دبه‌رده‌واميا ئاخفتنا خۆدا په‌يڤدارێ فه‌رمى دياركر كو سه‌رۆك پێخۆشحال بوو ب وه‌لاتيا عێراقى ل قاهيره،دووپاتكر ژى مسر ئيدانا هه‌موو شێواز و وێنه‌يێن تيرۆرێ و ئه‌و كارێن رێكخراوا داعش ب ناڤێ ئايينێ ئيسلامێ دكه‌ت و ئه‌و ژێ يێ دووره.
سه‌رۆكى دديدارێ ده دووپات ل سه‌كنينا مسرێ بۆلايێ گه‌لێ عێراقێ و پشته‌ڤانيێ ب هه‌موو شێوه‌يان كر،ديسان سه‌رۆكێ دووپاتكر كو مسر دێ يا پشته‌ڤان بت بۆ هه‌ولێن ژناڤبرنا تيرۆرێ و هزرا توندره‌و.
وه‌لاتيا ئێزدى يا عێراقى ژى ئاماژه كر كو وێ داخواز كر ديدارێ ل گه‌ل زانايێن ئه‌زهه‌ر بكه‌ت ژبۆ پێشكێشكرنا پتر رۆنكرنان ل دۆر تاوانێن ب ناڤێ ئايينێ ئيسلامێ هاتينه ئه‌نجامدان،دووپاتكر كو پێدڤيه وه‌لاتێن ئيسلامى وان كريارێن درندانه ره‌ت بكه‌ن يێن ب ناڤێ ئايينێ ئيسلامێ دئێنه ئه‌نجامدان و پاراستنا كێمينه‌يان ژ وان كارێن نه‌مرۆڤايه‌تى.
