التخطي إلى المحتوى الرئيسي
بحث هذه المدونة الإلكترونية
ل گوندێ خه‌تارێ ئه‌ڤ رێژا مامۆستا و قوتابيان كۆچكريه ده‌رڤه‌ى وه‌لاتى
ئێزديخان نيوز:
ل گوندێ خه‌تارێ سێ مامۆستايێن قوتابخانا هه‌سه‌د يا بنه‌ره‌تى يا تێكه‌ل كۆچكرينه ده‌رڤه‌ى وه‌لاتى و هنده‌كێن دى ژى ل به‌ره بچن،ئه‌ڤ ساله رێژه‌يا قوتابيان ل ڤێ قوتابخانێ كێم بوويه،هه‌روه‌سا هه‌ر هه‌فتيه‌كێ قوتابيه‌ك ژى كۆچ دكه‌تن.
ئه‌لياس نه‌عمۆ، رێڤه‌به‌رێ قوتابخانا هه‌سه‌د يا بنه‌ره‌تى يا تێكه‌ل ل گۆندێ خه‌تارێ بۆمالپه‌رێ ئێزديخان نيوز ئاشكه‌راكر: سێ مامۆستايێن قوتابخانا مه چۆينه ده‌رڤه‌ى وه‌لاتى و هنده‌كێن دى ژى به‌رهه‌ڤن بچن،هه‌ر ده‌مه‌كى كاربوون دێ چن،ديسان ژبه‌ر چۆنا ده‌رڤه ئه‌ڤ ساله قوتابى ژى كێمبووينه و چۆنا وان ژى يا به‌رده‌وامه،به‌لكو هه‌فتيه‌ك نينه قوتابيه‌ك نه‌چت.
رێڤه‌به‌رێ قوتابخانا هه‌سه‌د دووپاتكر،چۆنا ده‌رڤه‌ى وه‌لاتى فه‌رمانه‌كا دييه ، يا ژ هه‌موويێ گرنگتر ماده‌م هه‌ر خه‌لك دچته بلا ل وه‌رزێ زڤستانێ و ب رێيا ئاڤێ نه‌چن.
