داواكارێ گشتى:كار يێ دئێته‌ كرن دان پێدان ب جينۆسايدا ئێزديان بێته‌ كرن

ئێزديخان نيوز:

داواكارێ گشتى يێ دادگه‌ها تاوانێن نێڤ ده‌وله‌تى دسه‌ره‌دانا خۆ دا بۆ په‌رستگه‌ها پيرۆزا لالش راگه‌هاند،كو ئه‌وا ب سه‌رێ ئێزديان هاتى جينۆسايده.

لويس اوكامبو،داواكارێ گشتى يێ دادگه‌ها تاوانێن نێڤ ده‌وله‌تى سه‌ره‌دانا په‌رستگه‌ها پيرۆزا لالش كر و ژلايێ حازم ته‌حسين به‌گ وه‌كيلێ ميرێ ئێزديان و سه‌ماحه‌تا بابا شێخ و جڤاتا رۆحانيا ئێزديان و هنده‌ك وه‌زيرا ل حكومه‌تا عيراقێ و هه‌رێمێ وچه‌ند كه‌سێن قانونى يێن پێكهاته‌يا ئێزدى ڤه‌ پێشوازى لێ هاته‌ كرن.

 سه‌باره‌ت ڤێ سه‌ره‌دانێ،لويس اوكامبو بۆ تۆرا لالش يا راگه‌هاندنێ گۆت:بڤێ سه‌ره‌دانێ كيف خۆشحالم كو ل گه‌ل ژماره‌يه‌كا ئێزديان كۆمبووم ب تايبه‌ت رزگاربوويێن ده‌ستێ داعشێ،ژبۆ ژ نێزيك هايدارى ئازارێن ئێزديان ببم،ب راستى ئه‌ڤا ب سه‌رێ ئێزديان هاتى جينۆسايده‌،ئه‌ڤ سه‌ره‌دانه‌ ژى بۆ هندێ يه‌ ئه‌م ب خۆ گوه ل وێ چه‌ندێ بين يا ل دژى ئێزديان هاتيه‌ كرن. 

 اوكامبو ئاشكه‌راكر،ئه‌ز نهۆ يێ كاردكه‌م رێيێ ل به‌رده‌م ئێزديان ڤه‌ كه‌م،ژبۆ دانه‌نياسينا وان تاوانێن ل دژى وان هاتينه‌ ئه‌نجام دان كو جينۆسايدن و دان پێدان پێ بێته‌ كرن. 

ژبال خۆ ڤه‌ حازم ته‌حسين به‌گ وه‌كيلێ  ميرێ ئێزديان دياركر،ب ناڤێ ميرى و جڤاتا رۆحانى سوپاسيا داواكارێ گشتيێ  دادگه‌ها تاوانێن نێڤ ده‌وله‌تى دكه‌ين،ژبۆ سه‌ره‌دانا و بۆ په‌رستگه‌ها لالش،چنكو ئه‌ڤ سه‌ره‌دانه‌ يا گرنگه‌ كو ژنێزيك هايدارى ئازارێن ئێزديان ببتن.