دراڤێ كه‌مپه‌كا ئێزديان بۆ وه‌زاره‌تا كۆچ و كۆچبه‌ران چۆيه‌

ئێزديخان نيوز:

ڤيان ده‌خيل،په‌رله‌مانتارا كوردا ئێزدى ل ئه‌نجومه‌نێ نونه‌رێن عيراقێ راگه‌هاند،ل گۆر ئامارێن فه‌رمى يێن ڤێ دووماهيێ 5800ئێزدى دگرتينه‌، ژوانا ژى سێ هه‌زار كچ و ژنن و 2600زارۆك و رزگاربووى 799و 499زارۆكن.

 ڤيان ده‌خيل دووپاتكريه‌ كو ژماره‌يه‌كا مه‌زنا رزگاربوويان يێن ژ ده‌ستێ داعش قورتالبووين پێدڤى ب چاڤدێرييه‌كا تايبه‌تن،ژبه‌ركو ئه‌و تووشى نه‌خۆشيێن ده‌روونى و جه‌سته‌يى بووينه‌ و سه‌نته‌رێن پيگه‌هاندنێ ژى بۆ وان نينن و هنده‌كا ژ وان خێزان نينن و هاتينه‌ كوشتن ژلايێ تيرۆرستێن داعش ڤه‌،داخوازێ ژ حكومه‌تا عيراقێ دكه‌ت كو مووچه‌كى تايبه‌ت بۆ رزگاربوويێن ئێزدى دابين بكه‌تن،زێده‌بارى ته‌رخانكرنا كه‌ره‌فانا. 

ده‌خيل ئاماژه‌كريه‌ كه‌مپه‌ك بۆ ئاواره‌يێن ئێزدى هاتيه‌ ته‌رخانكرن،كو دڤيابا ل هه‌يڤا سێ هاتبا ته‌مامكرن،لێ ئه‌م نهۆ ل هه‌يڤا 9داينه‌ و ئه‌و كه‌مپه‌ نه‌هاته‌ دروستكرن و هه‌موو دراڤێ بۆ را هاتيه‌ ته‌رخانكرن بۆ وه‌زاره‌تا كۆچ و كۆچبه‌ران چۆيه.