ئێزديخان نيوز:
ژبۆ پێشكێشكرنا كێشه‌يان ئێزديان و دووماهى پێشهاتان دگه‌ل به‌رپرسێن ئه‌مريكى و رێكخراوان،كو له‌زێ بكه‌ن بۆ ديتنا رێيه‌كا چاره‌سه‌ريێ بۆ ره‌وشا ره‌ڤانديان و ئاواره‌يێن كوردێن ئێزدى و يێن ئاسێ بووين ل چيايێ شنگالێ،په‌رله‌مانتارا ئێزدى ڤيان ده‌خيل گه‌شته‌ك بۆ ويلايه‌تێن ئێكگرتيێن ئه‌مريكا ئه‌نجام دايه.
نڤيسينگه‌ها په‌رله‌مانتار ڤيان ده‌خيل راگه‌هاند، ل رۆژا سێ شه‌مبوويێ(9/12)،ڤيان ده‌خيل ديده‌ڤانيا خۆ ل به‌رده‌م جڤاتا شيوخێن ئه‌مريكى سه‌باره‌ت وێ كومكوژيا ئێزدى تووش بووينێ ژده‌ستێن تيرۆرستين داعش دا.
نڤيسينگه‌ها په‌رله‌مانتارا ناڤبرى ئاماژه ب هندێ دايه ژى كو ڤيان ده‌خيل تاكيد كريه ئه‌ڤه دێ بته پێنگاڤا ئێكێ،ژبۆ سه‌لماندنا جينۆسايدێ ل دژى ئێزديان.
نڤيسينگه‌ها په‌رله‌مانتار ڤيان ده‌خيل ئه‌و چه‌نده ژى راگه‌هانديه،كو نهۆ ڤيان ده‌خيل گه‌شته‌ك بۆ ويلايه‌تێن ئێكگرتيێن ئه‌مريكا ئه‌نجام دايه.
