كاروبارێن ئێزديان:ژبه‌ر ره‌وشا نهۆ يا ئێزديان جه‌ژنا رۆژيێن ئێزى نائێته‌ كرن

ئێزديخان نيوز:

رێڤه‌به‌ريا گشتيا كاروبارێن ئێزديان راگه‌هاند، ژبه‌ر كاوادنێ نهۆ هه‌رێما كوردستانێ ب شێوه‌يه‌كى گشتى و ره‌وشا ئێزديان ب شێوه‌يه‌كى تايبه‌ت تێدا ده‌رباز دبت،ئه‌وجه‌ژنا رۆژيێن ئێزى ناكه‌ن. 

درۆنكرنه‌كێ دا رێڤه‌به‌ريا گشتيا كاروبارێن ئێزديان ل هه‌رێما كوردستانێ،كو وێنه‌يه‌ك بۆ (ئێزديخان نيوز) هاتيه‌ شاندن دياركرييه‌،ژبه‌ر وان ژن و كچێن ئێزدى ئه‌وێن ژ لايێ داعشێ ڤه‌ هاتينه‌ ره‌ڤاندن،هه‌روه‌سا ئاواره‌بوونا وه‌لاتيێن گه‌له‌ك ده‌ڤه‌رێن ئێزديان و جانگۆريێن ئێزدى و پێشمه‌رگه‌ و شه‌رڤانان،كو نهۆ ملبلێ ئێك ل چيايێ شنگالێ به‌رخودانێ دكه‌ن و هه‌ر ل گۆرى بريارا جڤاتا رۆحانى يا ئێزديان ئه‌و وه‌ك ئه‌ركه‌كێ ئاينى دبينن رێورسمێن جه‌ژنا رۆژيێن ئێزى نه‌كه‌ن.

رۆنكرنا رێڤه‌به‌رييا كاروبارێن ئێزديان دده‌مه‌كى دايه‌،پشتى چه‌ند رۆژێن دى دێ جه‌ژنا رۆژيين ئێزى ل سه‌رانسه‌رى ده‌ڤه‌رێن ئێزديان ئێنه‌ كرن و ئه‌ڤ ساله‌ ژبه‌ر ڤێ ره‌وشێ ئه‌و جه‌ژن نائێته‌ كرن.