ئێزديان ب ياداشتنامه‌يه‌كێ داخوازيێن خۆ گه‌هاندنه په‌رله‌مانێ ئه‌وروپا
ئێزديخان نيوز:
ل رۆژا جيهانيا شنگالێ دا و ب مه‌ره‌ما گه‌هاندنا په‌يام و داخوازيێن هاونشتيمانيێن ئێزدى،رۆژا سێ شه‌مبوويێ رێككه‌فتى(9/12/2014)،شانده‌كى هاونشتيمانيێن ئێزدى يێن ل ئه‌وروپا دئاكنجى،كو پيكهاتى بووژ هه‌رئێك داسن فارۆق به‌گ برازايێ مير ته‌حسين به‌گ،ميرێ ئێزديان و كاميران قاسم نونه‌رێ بنگه‌هێ لالش ل وه‌لاتێ ئه‌لمانيا و ژماره‌يه‌كا ئه‌ندامێن بنگه‌هى سه‌ره‌دانا په‌رله‌مانێ ئه‌وروپا ل برۆكسل كر.
شاندێ ناڤبرى ب ياوه‌ريا دلاوه‌ر ئاژگه‌يى نونه‌رێ حكومه‌تا هه‌رێما كوردستانێ ل ئێكه‌تيا ئه‌وروپا،ل په‌رله‌مانێ ئه‌وروپا ژ لايێ په‌رله‌مانتارێ ناڤدارێ ئه‌وروپى(چارلز ته‌نۆك) سه‌رۆكێ گرۆپێ دۆستێن كوردستانێ ل په‌رله‌مانێ ئه‌وروپا پێشوازى لێكر.
دديداره‌كێ دا شاندێ هاونشتيمانيێن ئێزدى ئاماژه ب وان نه‌هامه‌تيانه كر ژ ئه‌نجامێ شالاوى درنده‌يا رێكخراوا تيرۆرستيا داعش ب سه‌رهاونشتيمانيێن ئێزدى ل شنگال و ده‌ڤه‌رێن دى دا هاتيه،ژلايێ خۆ ڤه ژى (چارلز ته‌نۆك) ب ناڤێ په‌رله‌مانێ ئه‌وروپا هاوسۆزيا خۆ بۆ شاندێ ئێزدى ده‌ربرى و راگه‌هاند،ئه‌و تاوانێن دژى مرۆڤايه‌تيێ هاتينه ئه‌نجام دان دێ چنه دمێژوويا مرۆڤايه‌تيێ دا،دته‌وه‌ره‌كى دى يێ ڤێ رونشتنێ به‌حسا ئاواره‌يان هاته كرن،دڤى ده‌رباره‌ى دا شاندى ژ ئێكه‌تيا ئه‌وروپا خواست هاريكاريا زێده‌تر بۆ ئاواره‌يێن ل هه‌رێما كوردستانێ دئاكنجى بكه‌ت.
پرسا ئازادكرنا شنگالێ و ده‌ڤه‌رێن دى ئێك ژ ته‌وه‌رێن دى يێن ڤێ روونشتنێ بوون،دڤى وارى دا شاندێ ناڤبرى راگه‌هاند،هێزا پێشمه‌رگه‌يێ كوردستانێ به‌رگريكارێ سه‌ره‌كى يێ سه‌رو مال و هاونشتيمانيێن ئێزدييه و خواست هارريكاريا زێده‌تر و باشتر ژ لايێ وه‌لاتێن ئه‌وروپى پێشكێشى هێزا پێشمه‌رگه‌يێ كوردستانێ بكه‌ن،ژلايێ خۆ ڤه ژى په‌رله‌مانتار چارلز ته‌نۆك جاره‌كا دى ستايشا خه‌لك و سه‌ركردايه‌تى و هێزا پێشمه‌رگه‌يێ كوردستانێ كر و راگه‌هاند،نه‌ته‌وه‌يا كورد،ب هاونشتيمانيێن ئێزدى ڤه،لاپه‌ره‌كى نوو يێ قاره‌مانى و به‌رخودانێ نيشا جيهانا ئازاد دا.
هه‌ر ل سه‌ر كه‌يسێ شنگالێ،هه‌ردوولايان ته‌كه‌ز كر پێدڤيه كۆنفرانسه‌كى تايبه‌ت ب شنگالێ ب گشتى بێته كرن،دڤى وارى دا چارلز ته‌نۆك بلێن دا كارێ جدى بكه‌ت و ل ناڤه‌ندێن په‌رله‌مانێ ئه‌وروپا ئه‌و پرسه بتر ب ئه‌جێندا بێته كرن.
دداخويانيه‌كێ دلاوه‌ر ئاژگه‌يى نونه‌رێ حكومه‌تا هه‌رێما كوردستانێ ل ئێكه‌تيا ئه‌وروپى راگه‌هاند،سه‌ره‌دانا شاندێ هاونشتيمانيێن ئێزدى بۆ په‌رله‌مانێ ئه‌وروپا يا گرنگ بوو،كو تێدا ڤى شاندى ب رێيا ياداشتنامه‌يه‌كێ داخوازيێن خۆ گه‌هاندنه په‌رله‌مانێ ئه‌وروپا،هه‌روه‌سا دئێته چاڤه‌رێكرن ئه‌ڤ روونشتنه ببته خاله‌كا نوو و ده‌ستپێكه‌ك بۆ ئه‌نجامدانا زنجيره‌يه‌كا كۆمبوونا تايبه‌ت ب كه‌يسێ شنگالێ و تيكرايا ئه‌و نه‌هامه‌تييانه‌ى ل سه‌ر هاونشتيمانيێن ئێزديدا هاتين،كو به‌شێكه ژ دۆزا ره‌وايا گه‌لێ مه و پێدڤيه ب سياسه‌تمه‌دار و وه‌لاتيێن ئه‌وروپى بێته ناساندن.
ل رۆژا جيهانيا شنگالێ دا و ب مه‌ره‌ما گه‌هاندنا په‌يام و داخوازيێن هاونشتيمانيێن ئێزدى،رۆژا سێ شه‌مبوويێ رێككه‌فتى(9/12/2014)،شانده‌كى هاونشتيمانيێن ئێزدى يێن ل ئه‌وروپا دئاكنجى،كو پيكهاتى بووژ هه‌رئێك داسن فارۆق به‌گ برازايێ مير ته‌حسين به‌گ،ميرێ ئێزديان و كاميران قاسم نونه‌رێ بنگه‌هێ لالش ل وه‌لاتێ ئه‌لمانيا و ژماره‌يه‌كا ئه‌ندامێن بنگه‌هى سه‌ره‌دانا په‌رله‌مانێ ئه‌وروپا ل برۆكسل كر.
ل رۆژا جيهانيا شنگالێ دا و ب مه‌ره‌ما گه‌هاندنا په‌يام و داخوازيێن هاونشتيمانيێن ئێزدى،رۆژا سێ شه‌مبوويێ رێككه‌فتى(9/12/2014)،شانده‌كى هاونشتيمانيێن ئێزدى يێن ل ئه‌وروپا دئاكنجى،كو پيكهاتى بووژ هه‌رئێك داسن فارۆق به‌گ برازايێ مير ته‌حسين به‌گ،ميرێ ئێزديان و كاميران قاسم نونه‌رێ بنگه‌هێ لالش ل وه‌لاتێ ئه‌لمانيا و ژماره‌يه‌كا ئه‌ندامێن بنگه‌هى سه‌ره‌دانا په‌رله‌مانێ ئه‌وروپا ل برۆكسل كر.
