هەدیا موراد : "كار دكەین قوربانيێن جینۆسایدا شنگال ل یاسایا به‌رزه‌بوويان دا زێدە بكەین"
هەدیا موراد:"كار دكەین قوربانيێن جینۆسایدا شنگال ل یاسایا به‌رزه‌بوويان دا زێدە بكەین"
نوونەرا ئێزدیان ل پەرلەمانێ كوردستانێ دیار كر نۆكە كار یێ دهێتە كرن دناڤ جڤاكێ ئێزدی دا ب تایبەتی ژی دناڤ رزگاربوویێن بن دەستێن تیرۆرستێن داعش بۆ وێ چەندێ یاسایەك بهێتە راستڤەكرن بكەڤتە د بەرژوەندیا رەڤاندیێن ئێزدی دا.
هەدیا موراد حەیدەر، نوونەرا ئێزدیان ل پەرلەمانێ كوردستانێ بۆ (باسنیوز) راگەهاند كو: "مە ل بەرە یاسا ژمارا سێ سالا 1999ێ یا پەرلەمانێ كوردستانێ راستڤەبكەین. ئەڤ یاسا تایبەتە ب وەلاتیێن بەرزەبوویە. ئەم كار دكەین خەلكێ بووینە قوربانی ل جینۆسایدا شنگال ب رێیا برگەكا یاسایی زێدە بكەین، ل سالا 2014ێ خەلكێ مە یێ شنگال تووشی جینۆسایدێ بوون، گەلەك كچ و ژن و زارۆك و زەلام هاتنە گرتن و رەڤاندن وبێ سەروشینكرن ژلایێ تیرۆرستێن داعش ڤە. مە دڤێت د سایێ دا مافێن وان بهێنە دابینكرن ئەوژی دووڤ یاسایێ هەر كەسەكێ پتر ژ چار سالان بەرزە بیت نەیێ دیاربیت مافێ پێ دان".
ئاشكەرا كر كو: "دناڤ جڤاكێ ئێزدی دا مە ل سەر كار كریە دێ نیزیك ل پەرلەمانێ كوردستانێ كار ل سەر هێتە كرن كو برگەكا تایبەت دێ ل سەر یاسایێ زێدە كەن ئەوژی رەڤاندی وبێ سەروشینكریێن جینۆسایدا شنگال بخۆڤە بگرت".
تعليقات