جێگری پارێزگارێ نەینەوا: خەلكێ شنگال بێ هیڤی بووینە
جێگری پارێزگارێ نەینەوا: خەلكێ شنگال بێ هیڤی بووینە
باسنيوز:
جێگرێ پارێزگارێ نەینەوا دیار كر خەلكێ شنگال بێ هیڤی بووینە ژ ڤەگەریانا شنگال. ئەڤە چەند سالن بتنێ بەغدا ئاخڤتنێ هەمبەر خەلكێ شنگال دكەت لەورا گەلەك ژخەلك شنگال چووینە دەرڤەی وەلاتی.
عومەر عەلی، جێگرێ پارێزگارێ نەینەوا بۆ كارۆبارێن ئاواران بۆ (باسنیوز) راگەهاند كو: "تشتەكی نوو بۆ ڤەگەریانا ئاواران نینە بتنێ بەغدا ئاخڤتنێ دكەت، بجه ئێنان نینە. ئەڤە بوویە ئەگەر خەلك بێ هیڤی بووینە دئەنجامدا ژی خەلك چنە ژدەرڤەی وەلاتی چونكو خەلكێ هیڤی نەماینە ڤەگەرنە شنگال لەورا ژی گەلەك ژخەلكێ شنگال چووینە دەرڤەی وەلاتی ژبەر كو هەر گۆتن دهێنە كرن و كریار نینە بۆ خەلكێ شنگال. گەلەك ژ خەلكێ شنگال ماینە بن خێڤەتاندا ل كەمپێن هەرێما كوردستانێ و گەلەك ژی چووینە دەرڤەی وەلاتی ورێژەكا كێم ڤەگەریاینە شنگال".
سالا 2014ێ تیرۆرستێن داعش هێرشی سەر شنگال كر، د ئەنجامدا خەلكێ شنگال ئاوارەیێ هەرێما كوردستانێ بوون وگەلەك وەلاتیێن شنگال ژلایێ داعش ڤە هاتنە گرتن و رەڤاندن و بێ سەروشینكرن. هەتا ئەڤرۆكە ژی خەلكێ شنگال نەشیاینە ڤەگەرنە شنگال گەلەك ژی ماینە بن خێڤەتاندا ل ناڤ كەمپان ل سنۆری پارێزگەها دهۆكێ و گرۆپێن چەكدار یێ ئاستەنگە بۆ ئاڤەدانی و ڤەگەریانا خەلكێ شنگال دروست دكەن.
تعليقات