رێڤه‌به‌رێ كاروبارێن ئێزديان ل دهۆكێ: پلانەكا باش بۆ نووژەنكرنا مەزارگەهێن ئێزدیان هاتیە دارشتن
رێڤه‌به‌رێ كاروبارێن ئێزديان ل دهۆكێ: پلانەكا باش بۆ نووژەنكرنا مەزارگەهێن ئێزدیان هاتیە دارشتن
باسنيوز:
رێڤەبەرێ كاروبارێن ئێزدیان ل پارێزگەها دهۆكێ دیار كر پلانەكا گەلەك باش بۆ نوژەنكرن وسەخبیریا مەزارگەهێن ئێزدیان هاتیە دارشتن كو ئەو مەزارگەهێن داعش ل شنگال پەقاندین هێشتا نەهاتینە چێكرن، بتنێ ل باشیك وبەحزانێ و هندەك دەڤەرێن دی یێن ئێزدیان دووبارە ئەو مەزارگەه هاتینە چێكرن، تیرۆرستێن داعش پەقاندین.
جەعفەر سمۆ، رێڤەبەرێ كاروبارێن ئێزدیان ل دهۆكێ سەر رێڤەبەریا گشتی یا كارۆبارێن ئێزدیان ڤە ل وەزارەتا ئەوقاف و كارۆبارێن ئاینی ل هەرێما كوردستانێ بۆ (باسنیوز) راگەهاند كو: "سالا 2014ێ تیرۆرستێن داعش ژبلی كوشتن ومالوێرانیا ب سەرێ ئێزدیان ئینایی، هەموو مەزارگەهێن ئێزدیان ژی پەقاندن ب تایبەتی ژی ل شنگال و باشیك وبەحزانێ وچەند دەڤەرێن دی یێن ئێزدیان. نۆكە ل باشیك و بەحزانێ ب رێیا كەسێن خێرخواز هەموو مەزارگەه هاتینە ئاڤاكرن، هەروەسا ژی ل بابیرێ ژی هەموو مەزارگەه ژلایێ خێرخوازان ڤە هاتنە ئاڤاكرن، بتنێ ل شنگال مایە. هێشتا هەموو مەزارگەه نەهاتینە ئاڤاكرن چونكو دەستێ مە نەگەهشتیە شنگال".
گۆتژی: "پلانەكا گەلەك باش هاتییە دانان بۆ نوژەنكرنا و سەخبیریا هەموو مەزارگەهێن ئێزدیان، هەر ژ دەڤەرا دیرەبوونێ هەتا دگەهتە باشیك و بەحزانێ بخۆ ڤە دگریت. ئەم هیڤیا وێ چەندێ بوون پارە بهێتە تەرخانكرن چونكو راستی ژی رەوشا دارایی كارتێكرن كریە ژبەر قەیرانا دارایی و هاتنا ڤایرۆسی كۆرۆنایێ ".
ئاشكەرا كر: "پلان دەستێ مە دایە هەر دەمێ رەوش سەر راست بیت روویێ دارایی و كۆرۆنایێ ڤە ژی ئەم وێ باوەرێ داینە حكومەتا هەرێما كوردستانێ تەخسیر نەكریە و تەخسیر ژی ناكەن، كو هەر چەند سالان جارەكێ مەزارگەهێن ئێزدیان پێدڤی نوژەنكرنێ دبن كو نۆكە پرانیا مەزارگەهێن ئێزدیان پێدڤی نوژەنكرنێ هەنە".
تعليقات