سێ ئاوارێن ئێزدى گيانێ خۆ ژ ده‌ست دا
سێ ئاوارێن ئێزدى گيانێ خۆ ژ ده‌ست دا و دوو ژى بريندار دبن
پەیڤدارێ رێڤەبەریا بەرەڤانیا باژێری ل دهۆكێ دیار كر كو ئەڤرۆ 17/2/2021ێ ئاگربەربوو خیڤەتێن ئاواران ل كەمپا بیرسڤێ دوو و دئەنجامدا سێ ئاواران گیانێ خۆ ژدەست دان و چەند كەس ژی برینداربوون.
بێوار عەبدولعەزێز، پەیڤدارێ رێڤەبەریا بەرەڤانیا باژێری ل دهۆكێ بۆ (باسنیوز) راگەهاند كو: "ژ ئەنجامێ شورتەكێ كارەبێ ئاگر بەربوو خڤەتێن ئاواران ل كەمپا بیرسڤێ دوو ل سنۆری قەزا زاخۆ، د ئەنجامدا خێزانەك تووشی سۆتنێ بوو و ب مخابنی ڤە سێ كەسان ژ خێزانەكا ئاوارە گیانێ خۆ ژدەستدان. ئەوژی باب و كور و كچەك بووینە و دوو كەس ژی برینداربووینە بۆ نەخۆشخانێ هاتینە رەوانەكرن بۆ وەرگرتنا چارەسەرێ".
ئاشكەرا كركو: "هەر دڤێ روودانا ئاگربەربوونێدا پێنج خیڤەتێن ئاواران ژی ب تەمامی هاتینە سۆتن وزیانێ گیانی ودارایی ڤێ روودانێ دووڤ خۆ هێلان".
ئەمیر عەلی، بەرپرسێ راگەهاندنا رێڤەبەریا ساخلەمیا قەزا زاخۆ بۆ (باسنیوز) ئاشكەراكركو: "ئەڤ روودانا سۆتنێ بەرێ سپێدەهیا ئەڤرۆ چێبوویە دئەنجامدا سێ كەسێن ئاوارە، كو ھەموو خەلكێ شنگالێ نە، گیانی خۆ ژدەستداینە و دوو ژی بریندار بووینە بۆ نەخۆشخانێ هاتینە ڤەگوهاستن".
تعليقات