ئارام دهۆكی: ئێزدی نابه ببن وه‌رقه
ئێزدی نابه ببن وه‌رقه
ئه‌م ڤان رۆژان جاره‌ك دن برینا ئێزدیان هه‌ودده‌ین ب ڤه‌شارتنا 104 قوربانیێن ده‌ستێ رێكخراوا تێرورستی یا داعش، تشتێ كو دخازن بینم زمان ل ڤێ په‌یڤێ ئەوه نابه ئێزدی ببن وه‌ره‌قه‌ك د ده‌سته‌لاتێن ده‌وروبه‌ردا بۆ ب كارانینا مه‌ره‌مێن سیاسی و ئابوری وو...هتد،د سه‌رهندێرا كۆ ئەم شادن ب وێ پێنگاڤا حكومه‌تا عێراقێ هاڤێتی ب ئانینا 104 ته‌رمێن كۆمكۆژيا ئێزدیان لێ تاما پرۆپاگندا سیاسی ژبا دهات ئەگینا ئەڤه سه‌رێ چه‌ند سالانه ئێزدی ل 10 كه‌مپێن ئاواره‌يێ دا دژین و د خرابترین ره‌وشێن ژیانێ دا چما وێ حكومه‌تێ وه‌كو پێتڤی رۆلێ خۆ بجهـ نه ئانیه بۆ دابینكرنا ژیانه‌كا باش یان ژی خورتكرنا له‌ز خستنا پرۆسێسا ئاڤاكرنا شنگالێ ئێ ده‌وروبه‌ران بۆ زڤرینا ئێزدیان بۆ جيێن خۆ،ره‌وش و كاودانێ ئێزدیان د ستویێ يوئێن و وه‌لاتێن زلهێز دایه ژبه‌ركو داعش رێكخراوه‌كا نێڤ نه‌ته‌وه‌ی بوو و ده‌ڤه‌را رۆژهه‌لاتا ناڤه‌راست بۆ قوربان ب تایبه‌تی ئێزدی،له‌وان ژی ده‌وله‌تا عێراقێ و كرگ دڤێت ڤێ كێشێ بێخنه سه‌ر ستویێ يوئێنێ و فشاران لسه‌ر زێده بكه دوور ژ مزايدايتێن سیاسی و هه‌ر ئێك خۆ ل هیڤیا ده‌لیڤه‌كا وه‌كو ڤان رۆژا بگره هه بێژه عێراقى یه و یێ دن بێژه ئێزدی كورده وئێزدیان ژی سه‌رلێشێوایه و دبێژه ئەز تنێ ئێزدى مه و به‌س،یا گرنگ ل ڤێره ئەوه كو ئێزدى نه‌مینن وه‌ره‌قه‌ك يا هه‌ر لایه‌كى بۆ مه‌ره‌مه‌كێ ب كاربینه،ئەڤجا بگره ژ يوئێنێ ئێ بكاربینه كو رێكخراوه‌ك مرۆڤیه و تنێ بۆ پروپاگندێ ب رێيا هنده‌‌ك كه‌سايه‌تیان و د راستی دا چ ل گۆره‌پانێ نه‌هاتيه كرن یان حكومه‌تێن ده‌ڤه‌رێ مینا عێراقێ و كرگ،برینا ئێزدیان ژ هندێ گه‌له‌ك كورتره كو بۆ مه‌ره‌مێن سیاسی بێن بكارئانین و ئەڤ راستیه هه‌ر كه‌س پێ ئاگه‌هداره.
تعليقات