به‌ختيار قادر:گه‌نجێن ئاواره ژ نه‌چارى په‌نايێ بۆ خۆكوشتنێ دبه‌ن
گه‌نجێن ئاواره ژ نه‌چارى په‌نايێ بۆ خۆكوشتنێ دبه‌ن
به‌ختيار قادر
د هێرشا هۆڤێن تيرۆرستێن داعشێ بۆ سه‌ر شنگالێ ل (3/8/2014)ێ تاوانێن دژى هه‌موو پيڤه‌رێن مرۆڤايه‌تيێ ده‌رهه‌قى ئێزديان هاتن ئه‌نجام دان،قوربانيا سه‌ره‌كى كچ و ژن كه‌فتنه به‌ر هێرشا تيرۆرستان كو ب سه‌دان گرتن و سه‌بيكرن و كوشتن و كرين و فرۆتن پێ هاته كرن و هێشتا چاره‌نڤيسێ سه‌دان يێ ديار نينه،ژ ئه‌نجامێ هێرشا تيرۆرستێن داعش بۆ سه‌ر شنگال ب هه‌زاران خه‌لكێ شنگال بۆ قورتالكرنا گيانێ خۆ ئاواره‌ى هه‌رێما كوردستانێ و سووريا بوون و ل بن خيڤه‌تان دناڤ كه‌مپان دا ب تايبه‌ت ل پارێزگه‌ها دهۆكێ ژيانا خۆ دبه‌نه سه‌رى و دنه‌خۆشترين كاودانێن ب زه‌حمه‌ت يێن ژيانێ دا دژين،كچ و ژنێن ئێزدى ب گشتى و رزگاربوويێن ژ ده‌ستێ داعش ب تايبه‌ت بتريا وان تووشى نه‌خۆشيێن ده‌روونى بووينه ژبه‌ر نه‌خۆشيێن بسه‌ر دا هاتين،ب ئه‌گه‌را درێژبوونا ژيانا ئاواره‌يێ و دژواريا ژيانێ و هۆكارێن ديتر و كێميا ئاستێ ره‌وشه‌نبيرى په‌نايێ بۆ خوكوشتنێ دبه‌ن و ل ماوه‌يه‌كێ كێم دا چه‌ند كچ و گه‌نج ئێزدى ل ناڤ كه‌مپان دا داوى ب ژيانا خۆ ئينايه،خه‌لكێ شنگالا خۆراگر ل به‌ندا وێ چه‌ندێ نه كو جاره‌كا دى ره‌وشا شنگال ئاسايى و ئارام بت و ئێمناهيێ ڤه‌گه‌رته ده‌ڤه‌رێ و ڤه‌گه‌رنه سه‌ر جى و وارێن خۆ ڤه و ژڤێ ژيانا په‌ريشان يا كه‌مپان و كاڤلان و ئاواره‌يێ قورتالببن و ده‌ست ب ژيانه‌كا نوو بكه‌ن،به‌لێ مخابن پێشهاتێن ل ڤێ داويێ ل شنگال چێبووين ره‌وش به‌ره‌ف ئاقاره‌كێ تارى ڤه بريه و چاره‌نڤيسێ شنگال يێ ديار نينه ئه‌ڤێ يه‌كێ كارتێكرنه‌كا خراب ل ده‌روونێ خه‌لكێ كريه و بێ هيڤى و ئۆمێدى ل نك وان په‌يدابوويه،ره‌نگه حاله‌تێن خۆكوشتنێ هێشتا زێده‌ببن هه‌كه رێكه چاره‌يه‌ك نه‌ئێته ديتن و پێنگاڤێن بله‌ز نه‌ئێنه هاڤێتن،له‌وا پێدڤيه لايه‌نێن په‌يوه‌نديدار و رێكخراوێن مافێ مرۆڤى و ژنان بتر ب رۆلێ خۆ رابن و هه‌وێن هشياريا خێزانى و جڤاكى و راگه‌هاندنێ ئه‌نجام بده‌ن و دووڤچۆنا كێشه و خۆ ل ئاريشه‌يێن ئاواران ب تايبه‌ت بكه‌نه خودان،داكو ئه‌ڤ روودانێن دلته‌زين ئێدى روونه‌ده‌ن و كچ و ژن په‌نايێ بۆ خۆكوشتنێ ببه‌ن و جڤاكه‌كى ساخله‌م ئاڤا بكه‌ن.
تعليقات