جێگرێ پارێزگارێ مووسل: 50% خەلكێ شنگال سەنەدێن تاپۆكرنا خانیان نینن
جێگرێ پارێزگارێ مووسل: 50% خەلكێ شنگال سەنەدێن تاپۆكرنا خانیان نینن
جێگرێ پارێزگارێ مووسل دیار كر كو هەر ژ رۆژا جینوسایدا شنگال هەتا ئەڤرۆ 27/2/2021ێ هێشتا ئێك خێزانا زیانڤێكەڤتیێن جینوسایدا شنگال نەهاتیە قەرەبوو كرن ژلایێ حكومەتا عێراقی ڤە. 50% خەلكێ شنگال سەنەدێن تاپۆكرنا خانیان نینن. ئەڤە ژی دێ ئاریشە بۆ زیانڤێكەڤتیێن جینوسایدا شنگال دروست كەت.
رەفعەت سمۆ، جێگری پارێزگارێ مووسل بۆ كارۆبارێن ئیداری بۆ (باسنیوز) راگەهاند كو: "نۆكە نڤیسینگەهەك بۆ قەرەبووكرنا زیانڤێكەڤتیێن شنگال هاتیە ڤەكرن لێ هەتا ئەڤرۆ 27/2/2021ێ هێشتا گەلەك ژ خەلكێ شنگال سەنەدێن تاپۆكرنا خانیان نینن كو حكومەتا ژناڤچوویا دكتاتور یا عێراقێ خانیێن ئێزدیان ل سەر ناڤێن وان تاپۆ نەدكرن. ئەڤە دێ زیانێ گەهینتە قەرەبووكرنا وەلاتیان هەكە هات داخوازا تاپۆیا خانیان ژ وەلاتیان بهێتە كرن، دێ خەلكێ شنگال زەرمەندبیت. لەورا ژی باشترە ئیدارا شنگال ل گۆری رێكەڤتنێ بهێتە دانان ودەست ب خزمەتگوزاریان ل شنگال بهێتە كرن. ئەڤە ئاریشەیا خەلكێ شنگال ژی بهێتە چارەسەركرن".
رەفعەت سمۆ، گۆتژی: "ل ناحیا سنوونێ وگەلەك كۆمەلگەهێن ب سەر ڤە وەلاتیان تاپۆیێن خانیان نینن. نۆكە رێڤەبەریا تاپۆ بۆ شنگال ل تەلەعفەر هاتیە ڤەكرن ئەڤە ژی یا زەحمەتە بۆ خەلكێ شنگال بشێن بچنە تەلەعفەر".
تعليقات