ئلیاس نعمۆ خەتاری:ھاتنا ڕۆژیێن ئێزی ل دەمێ کۆرۆنا

ھاتنا ڕۆژیێن ئێزی ل دەمێ کۆرۆنا

ئلیاس نعمۆ خەتاری

گرتنا ڕۆژیا دئاینێ ئێزدیاتی دا فەرزن ، ھاتنا ڤی دەمێ سالێ ب رۆژیا و رەوشا رەۆژیانڤە یە خۆش و تازەیە ، ھەر ژخۆ ئامادەکرنێ و کرینا ھندەک پێتڤیێن تایبەت ب رۆژیانڤە و عیدا رۆژیانڤە ژ کرینا سەربرێن خێرێ و جلوبەرکێن عیدێ وخۆ نێزیک کرنا مالێ تایبەت ئەو کەسێن لدووری مال و عەییالێن خۆ کاردکەن ، لێ ڤێ سالێ ھاتنا رۆژیا و جەژنێ جێوازی ھەیە دگەل رۆژی و جەژنێن دی ئەوژی ژبەر فایرۆسا کورونا یا کۆژەک و بەربەلاف ل ھەموو دونیایێ ، ل ھێرە پێتڤیە مللەت ھەموو ڤێ چەندێ باش بزانیت و بەرچاڤ وەربگرت ، پێگریێ ب رێنمایێت ساخلەمیێ بکەن و ھەر بریارەک ژ جھێن پەیوەندیدار دەرکەڤیت جیبەجیبکەن وژ چارچۆڤێ خۆپاراستن و ساخلامیا گشتی دەرنەەڤن ،ڤئ سالێ رۆژیێن ئێزی دکەڤنە رۆژیێن ( ١٥و ١٦و١٧) ژ مەھا کانوونا ئێکێ کو دبنە رۆژێن سێ شەمبوو و چارشەمبوو و پێنج شەمبوو و رۆژا ئینیێ دبتە جەژنا رۆژیێن ئێزی خودێ بکەت بخێر و خوشی بێتن ، ئەڤ ھەرسێ رۆژی فەرزن ژ فەرزێن ته‌ريقه‌تێ نە دناڤا ئاینێ ئێزدیاتیێ دا لێ گەلەک خەلکێ مە بەری ھنگی ھندەک رۆژیان دگرن لسەر ناڤێن باب چاک و خاسێن مە ئێزدیان ئەو رۆژین خێرن نە فەرزن ، ئێزی ناڤەکە ژناڤێن خودێ رۆژی گرتن بۆ ئێزی ئانکو رۆژی گرتن بۆ خودێ ، رۆژیێن ئێزدیان دەست پێ دکەن ژ پاشیڤێ پەری رۆژ ھەلاتێ ھاتا دەمێ فتاربوونێ پشتی رۆژ ئاڤا ، دڤێت مرۆڤێ ئێزدی ئی دەڤ گرتیبت و نا چێبت تشتەکی بخوت ، دەڤ گرتن نە بتنێ ژ خوارن و ڤەخوارنێ رایە دەڤ گرتی ئانکو نا چێبت ئاخفتنەکە خەلەت و شاشی ژ دەڤی دەرکەڤیت بەرامبەر کەسەکی یان ھەر تشتەکی ، ل رۆژا ئینیێ دبتە عید خەلک دچنە بەر خاسا و نیشەنگەھا زیارەتیتبن ھەر دیسان دچنە مالێن ئێک و دوو سەرەدانان دکەن ب مەرەما پیرۆزکرنا عیدێ . ھڤیدارین ھەرساڵ پخێر و خۆشی بێتە ڤە ، ل ھێرە دڤێت خەلکێ مە ئی پێگر بت ب رێێنمایێن ساخلەمیێ وسەرەدان و لێک کۆمبوون ب رێکا تێلەفونا بن ژبەر نەخۆشیا کۆرۆنا ، خودێ مە ھەمووان تێکدا بپارێزیت و عیدا ھەموو ئێزدیان پیرۆزبت .