20 گۆڕێن بكۆم يێن ئێزديان هاتينه ڤه‌كرن
20 گۆڕێن بكۆم يێن ئێزديان هاتينه ڤه‌كرن
ئەندامەكێ دەستەیا ڤەكولین و كۆمكرنا بەلگەنامەیان ل پارێزگەها دهوكێ دیار كركو:" هەتا ئەڤرۆ 20 گۆرێن ب كۆم یێن هاتینە ڤەكرن. روفاتێن 359 قوربانیێن كارەساتا شنگال ژناڤ هاتینە دەرئێخستن. هەتا ئەڤرۆ بتنێ ناسنامەیێن 104 روفاتان ئاشكرا بووینە.
فەلاح حەسەن، ئەندامێ دەستەیا ڤەكولین و كۆمكرنا بەلگەنامەیان ل پارێزگەها دهوكێ بۆ (باسنیوز) راگەهاند كو سەرجەمێ 359 روفاتێن ژناڤ گۆرێن بكۆم هاتینە دەرئێخستن، هەتا نۆكە ناسنامەیێن 255 روفاتان ئاشكرا نەبووینە ئەو روفاتیێن ناسنامەیێن وان هاتینە ئاشكراكرن، بتنێ 104 روفاتن ئەوژی روژەك هاتییە دەستنیشانكرن كو هەموو د رێورەسمەكێ مەزندا ل گوندێ گۆچۆ بهێنە ڤەشارتن هەكە چوو ئاستەنگ پەیدا نەبن ئەوژی دێ رۆژا 31/1/2021ێ هێنە ڤەگوهاستن ژ نۆژداریا داد ل بەغدا بۆ گوندێ گۆچو داكو بهێنە ڤەشارتن".
ئاشكەرا كر كو: "هەموو روفاتێن ژناڤ گۆرێن ب كۆم دهێنە دەرئێخستن بۆ نۆژداریا داد ل بەغدا هێنە رەوانەكرن ب مەرەما ئەنجامدانا ڤەكۆلینی ل سەر روفاتان وئاشكراكرنا ناسنامەیێن قوربانیێن جینوسایدا شنگال كو پشكنینا DNA ل سەر هێتە كرن ئەوژی پشتی نموونە ژ كەس و كارێن قوربانیان دهێنە وەرگرتن ئەو روفاتیێن چووینە بەغدا ژی هەتا نۆكە ناسنامەیێن 104 روفاتان ئاشكرابووینە وهیشتا ناسنامەیێن 255 روفاتان ئاشكرا نەبووینە".
تعليقات