خێرى بۆزانى:بتريا گرتيێن ئێزدى زارۆكن ل وه‌لاتێ سووريا ماينه
خێرى بۆزانى:بتريا گرتيێن ئێزدى زارۆكن ل وه‌لاتێ سووريا ماينه
ئێزديخان نيوز:
چارەنڤیسێ پتر ژ دوو هزار و 870 كچ وژن وزارۆكێن ئێزدی بندەستێن تیرۆرستێن داعشدا دیارنینە. پتریا رەڤاندیێن ئێزدی ل وەلاتێ سوریا ماینە و پتریا وان ژی زارۆكن.
خەیری بۆزانی، سەرپەرشتێ دۆسیەیا رزگاركرنا رەڤاندیێن ئێزدی و رێڤەبەرێ گشتی یێ كارۆبارێن ئێزدیان ل وەزارەتا ئەوقاف و كارۆبارێن ئایینی حکومەتا هەرێما كوردستانێ بۆ (باسنیوز) دیار كر كو: "شەش هزار و 417 كچ وژن وزارۆكێن ئێزدی سالا 2014ێ ژلایێ تیرۆرستێن داعش ڤە ل شنگال هاتبوونە رەڤاندن و هەتا ئەڤرۆ سێ هزار و 543 رەڤاندیێن ئێزدی ژ بندەستێن تیرۆرستێن داعش یێن هاتینە رزگاركرن. هەتا ئەڤرۆ دوە هزار و 874 رەڤاندیێن ئێزدی ماینە و چارەنڤیسێ وان دیار نینە. گەلەك ژوان ل رۆژئاڤایێ كوردستانێ نە، لێ مە نەشیایە رزگار بكەین، ژبەر چەند ئاستەنگان. ژوانا ژی ئیدارا رۆژئاڤایێ كوردستانێ نەیا هەڤكارە بۆ رزگاركرنا رەڤاندیێن ئێزدی، هەروەسا ژی پەتایا كۆرۆنایێ ژی بوویە ئاستەنگ داكو رزگاركرنا رەڤاندیێن ئێزدی زەحمەت بكەفیت".
ئاشكەرا كر كو: "پتریا رەڤاندیێن چارەنڤیسێ وان نەدیارە زارۆكن. هەتا نۆكە دوو هزار و 874 رەڤاندی ماینە ژوانا ژی هزار و 574 رەگەزێ نێرن و 1300 ژی رەگەزێ مێ نە كو پتریا رەڤاندیێان ل وەلاتێ سوریا ماینە".
تعليقات