بريار لسه‌ر جه‌ژنا رۆژيێن ئێزى هاته دان
بريار لسه‌ر جه‌ژنا رۆژيێن ئێزى هاته دان
ب بريارا میر حازم تەحسین سعید بەگ،میرێ ئێزدیان ل كوردستانێ و عێراقێ و جیهانێ ئيساله ئاهنگێن جەژنا رۆژيێن ئێزى نائێنه گێران و سەره‌دان ژی دێ ئێنە کێمکرن.
ئيرۆ 12ى كانوونا ئێكێ 2020ێ جڤاتا روحانی یا ئێزدیان یا بلند دبه‌ياننامه‌يه‌كێ دا راگه‌هاند،میر حازم تەحسین سعید بەگ میرێ ئێزدیان ل عێراقێ و جیهانێ و سەرۆکێ جڤاتا روحانی یا ئێزدیان یا بلند)، پیرۆزباهیێن خۆ ئاراستەی ئێزدیێن ل عێراقێ و جیهانێ کرن ب هەلکەفتا رۆژیێن ئێزی.
هه‌ر دبه‌ياننامێ دا هاتيه،داخوازا ساخی و سلامەتیێ و خۆشێ و ڤەگەریانا گرتیێن ئێزدیا بۆ کەس و کارێت خۆ و ب داوى هاتنا نەخۆشی و دەردەسەریێن ئێزدیان ل کەمپێن ئاواران دا دكه‌ين.
هه‌روه‌سا ژبەر مەترسیا پەتایا کۆرۆنا، مە بریار دا کو چ ئاهنگێن جەژنێ ئیسال نەئێنە گێران، و سەره‌دان ژی بێنە کێمکرن و جێبەجێکرنا ژئێک دووربوونا جڤاکی ل جەژنێ بێتە کرن.
تعليقات