سبه‌ى ئێزدى دێ رۆژيێن ئێزى گرن
سبه‌ى ئێزدى دێ رۆژيێن ئێزى گرن
باسنيوز:
وەكیلێ میرێ ئێزدیان بۆ كارۆبارێن پەیوەندیان دیار كر كو ئەڤرۆ 14/12/2020 ئێزدی دەست بەرهەڤیێن گرتنا رۆژیان دكەن و سوبەهی 15/12/2020ێ دێ هەموو ئێزدی دەست ب گرتنا رۆژیان كەن هەر كەسەكێ ئێزدی بیت پێدڤییە رۆژیان بگرت.
میر جەهوەر عەلی بەگ، وەكیلێ میرێ ئێزدیان بۆ كارۆبارێن پەیوەندیان بۆ (باسنیوز) دیار كر كو: "هێشتا مەترسیا بەلاڤبوونا پەتای كۆرۆنایێ هەیە و رۆژانە چەندین حالەتێن تووشبوویان ل هەرێما كوردستانێ و جیهانێ دهێنە تۆماركرن و چەندین كەس گیانێ خۆ ب ڤێ نەخۆشییا مەترسیدار ژ دەست دەن لەورا میرێ ئێزدیان بریار دا ژبەر نەخۆشیا كۆرۆنایێ ئەڤ سالە رێ ورەسمێن جەژنا رۆژیێن ئێزی نەهێتە كرن كو سوبەهێ رۆژا سێ شەمبێ 15/12/2020ێ دێ ئێزدی رۆژیان گرن. پشتی بۆ دەمێ سێ رۆژان ب رۆژی بن دێ رۆژا ئەینیێ 18/12/2020ێ بیتە جەژن. لێ ئەڤ سالە ژبەر نەخۆشیا كۆرۆنایێ رێورەسمێن جەژنا رۆژیێن ئێزی ناهێنە كرن".
ئاشكەرا كر كو: "هەردەمێ نەخۆشی ب سەر مللەتێ مە دا نەمان هینگی دێ بیتە خۆشترین جەژن و هیڤدارین كچ وژن و زارۆكێن ئێزدی یێن هەتا نۆكە ماینە بن دەستێن تیرۆرستێن داعش دا ژی بهێنە رزگاركرن وتەناهی ل شنگال پەیدا بیت".
تعليقات