ل شنگال عەرەبان رووبه‌ره‌كێ مه‌زن يێ عەردێ ئێزديان يێن داگيركرين
ل شنگال عەرەبان رووبه‌ره‌كێ مه‌زن يێ عەردێ ئێزديان يێن داگيركرين
ئێزديخان نيوز:
وەكیلێ میرێ ئێزدیان بۆ كارۆبارێن پەیوەندیان دیار كر كو ل قەزا شنگال ئەردێ دوو هۆزێن ئێزدی ژلایێ عەرەبان ڤە هاتیە داگیركرن. ب هەر رێكەكا هەبیت پێدڤیە ئەو ئەرد بۆ ئێزدیان بهێتە ڤەگەراندن.
میر جەهوەر عەلی بەگ، وەكیلێ میرێ ئێزدیان بۆ كارۆبارێن پەیوەندیان بۆ (باسنیوز) دیار كر كو: "ئەردێ هۆزێن سمۆقیا و قەیرانیا ل قەزا شنگال ژلایێ عەرەبان ڤە هاتیە داگیركرن. ئەرد بخوە ل سەر ناڤێ ئێزدیانە لێ پشتی حەشدا شەعبی هاتییە شنگال، جارەكا دی عەرەبان دەستە خوە دانایە سەر ئەردێ وان. ئەم دخوازین حكومەتا عێراقی ڤێ ئەردێ بۆ ئێزدیان ڤەگەرینت، چونكو ئەرد یێ ئێزدیان بخوەیە و عەرەب ئەردێ ئێزدیان بخوە بكار دئینن و ناهێلن ئێزدی چاندنێ ژی ل سەر بكەن".
خۆیا ژی كر كو نۆكە حەشدا شەعبی و گرۆپێن چەكدار دەستهەلات ل وێ دەڤەرا شنگال هەیە لەورا نۆكە زڤرینا وێ ئەردێ بۆ ئێزدیان یا زەحمەتە كو رووبەرەكێ مەزن یێ ئەردێ یە كەڤتیە دەستێ عەرەبان دا".
ل سالا 1974 ب زۆرداریێ ئەردێ ئێزدیان ل شنگال عەرەب ل سەر هاتینە ئاكنجیكرن وپشتی نەمانا رژێما دكتاتور یا عێراقی سالا 2003ێ جارەكا دی ئیزدیان ئەردێ خوە چاندن. نۆكە ژی پشتی حەشدا شەعبی و گرۆپێن چەكدار هاتیە شنگال ئەو ئەرد جارەكا دی كەڤتیە دەستێ عەر ەبان دا.
تعليقات