ناديا موراد داخوازا پشكداريا ئێزديان ل حكوومه‌تا عێراقێ دكه‌ت
ئێزديخان نيوز:
دپه‌يوه‌نديه‌كا ته‌له‌فونى دا ناديا موراد بالوێزا نيازپاكيێ ل نه‌ته‌وێن ئێكگرتى پيرۆزباهى ل سه‌رۆك وه‌زيرێن عێراقێ مسته‌فا كازمى كر ب هه‌لكه‌فتا پێكئينانا حكوومه‌تا نوو يا عێراقێ.
ئيرۆ چارشه‌مبوويێ 13ى ئه‌يارا 2020ێ ناديا موراد بالوێزا نيازپاكيێ ل نه‌ته‌وێن ئێكگرتى په‌يوه‌نديه‌كا ته‌له‌فونى لگه‌ل سه‌رۆك وه‌زيرێن عێراقێ مسته‌فا كازى ئه‌نجام دا و پيرۆزباهيا پێكئينانا حكومه‌تا نوو يا عێراقێ كر.
ناديا موراد دراگه‌هاندنه‌كێ دا دياركر:لگه‌ل سه‌رۆك وه‌زيرێن عێراقێ به‌رچاڤ وه‌رگرتنا داخوازيێن خۆپيشانده‌رێن عێراقێ گه‌نگه‌شه‌كر كو چه‌نده‌هان گيانێ خۆ كره قوربانى پێخه‌مه‌تى عێراقه‌كا باشتر بۆ هه‌موويان.
ئه‌و چه‌نده ژى دياركر دلايه‌كێ دى دا به‌حس ل پشكداريا ئێزديان و كێمينه‌يێن ديتر و رۆلێ ژنێ ل حكوومه‌تا نوو يا عێراقێ دا هاته كرن.
بالوێزا نيازپاكيێ ل نه‌ته‌وێن ئێكگرتى ته‌كه‌زكر كو داخواز ل كازمى كر كو لێگه‌ريان ل هه‌زاران ژن و زارۆكێن ئێزدى يێن هێشتا بێ سه‌ر و شوون ل سووريا و پارێزگه‌هێن دى يێن عێراقێ بێته كرن.
ناديا موراد دياركر ژى لگه‌ل كازمى بابه‌تێ ڤه‌گه‌ريانا ئاوارێن ئێزدى بۆ ده‌ڤه‌رێن خۆ ب رێيا دابينكرنا خزمه‌تگۆزاريێن سه‌ره‌كى ل شنگال و پشته‌ڤانيا حكوومه‌ته‌كا خوه‌جهـ و به‌رقراربوونا ئێمناهيێ گه‌نگه‌شه‌كر.
تعليقات