پارێزگارێ دهۆکێ جەژنا سەرسالێ ل ئێزدیان پیرۆز دکەت
ئێزديخان نيوز:
ب هەلکەفتا هاتنا جەژنا سەرسالا ئێزدیان (چارشەمبا سۆر) کو ب جەژنا نویبونا ژیانێ تێت ناسکرن ، گەرمترین پیرۆزباهیان ئاراستەی میر و بابا شێخ و جڤاتا رۆحانی و هەموو کوردێن ئێزدی ل کورستانێ و جیهانێ دکەم،هیڤیدارین سالا خێر و خۆشیێ بت بۆ تەڤایا پێکهاتێن گەلێ کوردستانێ.
خویایە جەژنا ئەڤ سالە یا هەڤدەمە ل گەل رەوشا نها یا مەترسیدار کو جیهان ب گشتی ڤەگرتی ئەوژی ڤایرۆسێ کۆرۆنا یە ، لەوا داخوازێ ژ خوشک و برایێن ئێزدی دکەم رێورەسمێن جەژنێ ب تنێ د مالێن خۆدا بگێرن.
هەر چەندە ئەم دزانین هەیڤا نیسانێ پیرۆزیا خۆ د میتۆلۆژیا ئێزدیان دا هەیە لەوا ئەڤ جەژنە و پرانیا رێورەسمێن ئێزدیان ب تایبەت (تواف) د کەڤنە دڤێ هەیڤێ دا ، لێ بۆ هندێ گیانێ خەلکێ مە ئی پاراستی بت هیڤیدارین پێگیری ب رێنمایێن حکومەتا هەرێما کوردستانێ و ژۆرا ئۆپەراسێۆنا بەرهنگاریبونا کۆرۆنایێ ل پرێزگەها دهۆکێ بێتە کرن.
کوردستان ب گشتی و دهۆک ب تایبەتی ب مەلبەندێ پێکڤەژیانێ تێت ناسکرن هیڤیدارین ئەڤ پرۆسیسە ل دەڤەرێ بتر گەشە بکەت وخوشک و برایێن ئێزدی ژی ژرەوشا پەریشانا کەمپان دەربازببن و جەژنێن داهاتی ب سەرفەرازی ل دەڤەرێن خۆ بگێرن.
دوبارە جەژنا سەرسالێ ل کوردێن ئێزدی پیرۆزبت.
برایێ هەوە
فەرهاد ئەمین ئەتروشی
پارێزگارێ دهۆکێ
14-4-2020
تعليقات