قاسم شەشۆ: دوور نینە خەلكێ شنگال جارەكا دی تووشی فەرمانەكێ بن
باسنيوز:
بەرپرسێ فەرماندەیا پێشمەرگەهێ شنگال دیاركركو رۆژ دووڤ رۆژێ رەوشا شنگال ئالۆز دبیت. دوور نینە خەلكێ سڤیل ل شنگال جارەكا دی تووشی فەرمانەكێ بن ژبەر ئالۆزیا رەوشێ ونەبوونا تەناهیێ.
قاسم شەشۆ، بەرپرسێ فەرماندەیان پێشمەرگەهی ل شنگال بۆ (باسنیوز) دیار كر كو: "هیچ گوهۆرینەك لسەر هەلوێستێ حەشدا شەعبی و پەكەكێ دا نەهاتیە هەمبەر خەلكێ شنگال وبەردەوام بۆ مەرەمێن خوە كار دكەن. هەكە رەوش وەسا بیت هیچ جارەكی خەلك شنگال نەشێن ڤەگەرن چونكو خەلكێ شنگال ژی گەهشتنیە وێ قەناعەتێ هەكە پێشمەرگەه ل شنگال نەبیت تەناهی وئاڤەدانی ل شنگال ناهێتە كرن. دێ تووشی فەرمانەكێ دی بن هەكە ڤەگەرن لەورا خەلك نەشێن بهینە سەر مال و مولكێ خوە. ژبەر رەفتارێن گرۆپێن چەكدار گەلەك مەترسی ل سەر شنگال چێ بووینە".
خۆیا ژی كر كو: "نۆكە ل دەڤەرا خانەسۆرێ و باری وچەندین گوند و كۆمەلگەهێن دی یێن شنگال حەشدا شەعبی و پەكەكە تێدا هەنە و خەلكێ شنگال نەیێ مرتاحە ژبەر ڤان لایەنێن سیاسی و خەلكەكێ بیانی هاتیە دەڤەرا شنگال. ئەو داعشێن كارەسات ل شنگال دروستكری بتنێ نها ریهێن خوە تەراشینە وزڤرینە دەڤەرێ. ئەڤە جهێ مەترسییە، چونكو هەر ئەو عاقلە دسەرێ واندا یێ پێ كارەسات بسەرێ خەلكێ مە ئیناین".
تعليقات