روفاتێن 62 كەسێن ئێزدی دێ ل گوندێ كۆچۆ ئێنه ڤه‌شارتن
باسنیوز:
جیگرێ پارێزگارێ مووسل دیار كر كو بریارا هاتیە دان ل رۆژا 12/3/2020 رێ و رەسمێن ئینانا روفاتێن 62 كەسێن ئێزدی یێن جینۆسایدا شنگال د ناڤ گۆرێن بكۆمدا هاتینە گولەبارانكرن، بهێنە گێران. دێ بەغدا رێ ورەسم دەست پێ كەن.
عەلی عومەر كەبعو، جیگرێ پارێزگارێ مووسل بۆ (باسنیوز) دیار كر كو پشتێ ناسنامەیێن 62 روفاتێن ئێزدیان هاتینە ئاشكراكرن مە بریاردایە ل 12 ڤێ هەیڤێ دەست ب گێرانا رێ ورەسمێن فەرمی ل بەغدا بهێتە كرن بۆ ڤەشارتنا ڤان روفاتێن ئێزدیان ل گوندێ كۆچۆ. دێ رۆژا 12 ڤێ هەیڤێ ل بەغدا مەراسمێ دەست پێ كەن و ل رۆژا 14/3/2020 ل گوندێ كۆچۆ ب ئامادەبوونا كەس و كارێن قوربانیان دێ هەر 62 روفات هێنە بن ئاخكرن. بەری نۆكە 17 گۆرێن بكۆم هاتبوونە ڤەكرن دئەنجامدا 250 روفات ژناڤ وان گۆرێن بكۆم هاتبوونە دەرخستن، هەتا نۆكە بتنێ ناسنامەیێن 62 كەسان هاتینە ئاشكران یێن دیتر ئاشكرا نەبووینە.
خۆیا ژی كركو ئەڤ روفاتێن خەلكێ گوندێ كۆچۆ كەسێن 12 سالیێ هەتا68 سالیێ دناڤدانە. هەموو ب دەستێن تیرۆرستێن داعش هاتینە گولەبارانكرن.
تعليقات