ژمارا گرتيێن ئێزدى ل كه‌مپا هۆلێ هاته ئاشكه‌راكرن
ئێزديخان نيوز:
بەرپرسێ نڤیسینگەها رزگاركرنا رەڤاندیێن ئێزدی دیاركركو ئەم گومان دكەین 400 هەتا 500 رەڤاندیێن ئێزدی یێن جینوسایدا شنگال ل رۆژا 3/8/2014 هاتینە گرتن و رەڤاندن ژلایێ تیرۆرستێن داعش ڤە دناڤ كەمپا هۆلی دا ل رۆژئاڤایێ كوردستانێ هەنە.
حسین كۆرو قائێدی، بەرپرسێ نڤیسینگەها رزگاركرنا رەڤاندیێن ئێزدی بۆ (باسنیوز) دیار كر كو: "مە پێزانیێن پیشت راستكری مە هەنە دناڤ كەمپا هۆلی دا ل رۆژئاڤایێ كوردستانێ هژمارا زۆر رەڤاندیێن ئێزدی ماینە نەهاتینە رزگاركرن ئەم داخازی ژ خاچا سۆر یا نێڤدەولەتی دكەین وئیكەتیا ئوروپی و ئەمریكا و هەڤپەێمانیێن وێ دكەین هاریكاریا مە بهێتە كرن بۆ هندێ كەمپا هۆلێ بهێتە پشكنینكرن و كچ وژن و زارۆیێن ئێزدی بهێنە رزگاركرن".
خۆیا ژی كر كو: "خێزانیێن داعش رەڤاندیێن ئێزدی ترساندینە وداعش وەسا رەڤاندیێن ئێزدی تیگەهاندینە هەكە بزڤرنە ناڤ ئێزدیان دێ مەترسیێ لسەر ژیانا وان هەیە لێ هیچ مەترسیەك ل سەر رەڤاندییان نێنە ئێزدی شێوەیەكێ مەزن پێشوازیا وان دكەن".
ل جینوسایدا شنگال 6417 كەسێن ئێزدی ژلایێ داعش ڤە هاتبوونە رەڤاندن هەتا نوكە پتر ژ سێ هزار كەسان هاتینە رزگاركرن و هیشتا چارەنڤیسی دوو هزار و 900 رەڤاندیێن ئێزدی دیار نینە.
تعليقات