كه‌رتێ ساخله‌ميا شنگال بۆ به‌رنگاربوونا كۆرۆنايێ داخوازا هاريكاريێ دكه‌ت
ئێزديخان نيوز:
رێڤەبەرێ هۆبا بنگەهێن تەندروستی ل كەرتێ شنگال یێ تەندروستی دیاركركو ل سەر دەمێ تیرۆرستێن داعش كەرتێ تەندروستی ل شنگال هاتیە وێرانكرن نۆكە ژی ڤایرۆسێ كۆرۆنا ل جیهانێ بەربەلاڤ بوویە. ل عێراقێ ژی سەرهلدایە لەورا ئەم ل كەرتێ شنگال یێ تەندروستی پێدڤی هاریكاریا مەعنەوی و مادی نە بۆ بەرهەنگاریا ڤێ ڤایرۆسێ.
د. بەركات حاجۆ، رێڤەبەرێ هۆپا بنگەهێن تەندروستی ل كەرتێ شنگال یێ تەندروستی بۆ (باسنیوز) دیار كر كو سنۆرێ رۆژئاڤایێ كوردستانێ دگەل شنگال یێ ڤەكریە و خەلك ژ سوریا دهێتە شنگال. هەتا نۆكە ژی بۆ بەرهەنگاریا ڤایرۆسێ كۆرۆنا تەندروستیا مووسل هندەك پێدڤیێن نۆشداری بۆ مە رەوانەكرینە و مە دەست ب هەوەكا رەشاندنا دەرمانێ ژی كریە ل هندەك جهان. ئەم هەولێن بەردەوامداینە بۆ كۆنترۆل كرنا ڤایرۆسێ كۆرۆنا ل قەزا شنگال، لێ مە پێدڤی هاریكاریێن زێدەتر هەیە چونكو كەرتێ تەندروستی ل شنگال هاتیە وێرانكرن لسەر دەستێن تیرۆرستێن داعش. ئەم هەموو وارەكێ دا پێدڤی هەڤكارینە".
خۆیا ژی كر كو وەكوو ئامادەكاری ل قەزا شنگال مە تیم پێك ئیناینە هەروەسا ژی رۆژانە بنگەهەكێ تەندروستی بۆ 24 دەمژمێران دكارێدا دمینت لێ باشترە هەكە پێدڤیێن نۆشداریێ هەموو ل بەر دەستێن مە هەبن بۆ هندێ بشێن ژیانا خەلكێ خوە بپارێزن ونەهێلن ڤایرۆسێ كۆرۆنا ل دەڤەرێ پەیدابیت.
تعليقات